اهرب من الماضي اليك

بارت ٢٠

اهرب من الماضي اليك

)

حنين:العفو عيني عمو ابو سلطان وينه؟............

سناء:خير خيه اشرايده منه اشو ما انعرفج ولا اتعرفينه وهاي اول مره انشوفج بيها ............

_امم صح ما اعرفجن معرفه شخصيه بس اعرف مهند وسلطان وهسه من رخصتجن اريد ابو سلطان او سلطان............

_سالمين عيني شنو تردين سلطان منو انتي هيوو احجي شعندج وياهم............

_انه حجيي ويه الزلم مو وياجن...:...

_استغفر الله هاي اشلون اتريدني امردغها اهنا بنص الديوانيه............

ام سلطان:سناااءء كاافييي ركدي اشوي وانتي يمه منو وشعرفج بولدنه وابو سلطان شقصتج انتي هاي اول مره انشوفج.........دارت وجهه عليه وحجت.........

_هسه انتم صيحيلهم واتعرفون شنو قصتي.........جانت تحجي وهيه اتباوعلي من فوك لي جوه كمت خذيت بنتي ورحت ابغرفه عمتي اخاف يجي سلطان ويشوفني او واحد من الولد اشوي وسمعت صوت سلطان وهوه ايرحب بيها والغريب بالموضوع ايصيحلها حنين يعني يعرفها رحت فتحت باب الغرفه اشوي ومديت راسي من الباب جان ضهره عليه ابوكتها لابس دشداشه سوده ولاف غتره على راسه باوعت للحنين لكيتها مغطيه وجها بشالها استغربت ليش غطته منه وباوعت للبسها لابسه ستريج ضاب على ازرورها وهيه ما شالله متروسه ترس ولابسه فوكه بدي اسود وعود لابسه عبايه بس حاطتها على اجتافها وامطلعه امه محمد كلها ضحكني شكلها من امغطيه وجهه وجسمها كل طالع ضليت اصنت على حجيهم............

سناء:سلطان منوو هاااي اشعررفك بهالشكول لايكون رجعت وسويتها وازوجت عليه مره ثانيه قسم بالله لو صدك تطلع مزوج عليه ما ابقه دقيقه اهنا............

سلطان: سناااء هذه اخبالج بطليه وصوتج نصيه ما اريد اسمع حسج لا اتخليني اتصرف تصرف ما يعجبج.........

حنين:هههههه سناء لايروح ابالج ابعيد سلطان مو رجلي ههههه لو جان رجلي جان ما لبست حجاب اكباله وغطيت وجهي............

سناء:والله خيه انتي صح امغطيه وجهج بس امطلعه غير شي .........

سلطان:سنااااءءء اخر مره اكلج السانج كضبيه............

حنين:هههههه لا عادي حقها تحجي ما الومها اي المهم انه اليوم اجيتلكم حتى الكل يدري انه مره مهند والي ابطني ابنه.........حجت هيج وحسيت الدنيا ضلت تفتر بيه مهند مزوج عليه؟ضلن رجليه وحده اطك بالثانيه احس اشوي واطيح لزمت الباب قوي اريد اسمع بقيه الحجي.........

حنين: وانه ما اكدر بعد اضم زواجنه اكثر من هيج اريد ابني يربه بين اهله وانه ما اتحمل ابوحدي تكاليف العيشه............

سلطان:ست حنين اضن انه ما مقصر وياج كل يوم كل شي تحتاجينه يوصلج للبابج ما ناقصج اي شي فهاي جيتج اهنا مالها اي داعي ليش اتسوين هيج واتخليني اتصرف وياج غير تصرف............