اهرب من الماضي اليك
سلطان: ولج شنو هاي بعد تكومين واتكعدين اتكولين سلطان بايك حلالي وحلال جهال اخوه؟.......ضليت صافنه عليه ما اعرف شحجي احس الساني انبلع...ضل ايهز بيه ويحجي وهوه راص على اسنونه.....
سلطان:احجيي لججج يمته انه بااايك حلالكم هاااا.....دنكت راسي ما حجيت شي ولا دافعت عن نفسي لان من حجيت هيج ما جان قصدي بايكنه بس سناء حركت كلبي من حجت وياي فحجيت هيج اكباله ما جنت ادري راح اتروح اتكله .....ولججج احجييي لييشششش ساكتتته يمممتتته انه بااايكم هالكد انننه ناااقصص حته اخذ حلال جهال اخوووووييي ولج افلوس بيتكم خذيتهم وخليت مني عليهن وسلمتهم بيدج يمتتته بااايييك منكم شنوو ماعندي افلوس حته احط عيني على حلال اخوي......
هدى:اعرف هذه الشي بس انه ما قصدي هيج وما اعرف اشلون طلعت من الساني والله العضيم ما جنت اقصد الي حجيته بس سناء هيه الي اجت وكلتلي جهالج مالهم حصه بهل البيت زين حصه ابوهم وين؟.....طكني على راسي وضل يحجي وهوه امفرفح .....
سلطان:ولج نشو انتي ابوي بعده عايش وانتي جاييه تردين اتقاسمين الورث عقلج بيه شي انتي صاحيه؟ وثاني شي ست هدى اطمئني جهال اخوي حاسبهم مثل جهالي وحته محل ابوهم خال واحد يشتغل بيه وافلوسهم موجودات وبالبنك وما دام هيج تفكيرج اليوم اجيبهم الج وانتي حيري بيهم....چان يحجي وايباوعلي بقرف نهه حجيه ودفعني وطلع كعدت بالكاع الله لا يوفقج سناء توها اجت وزته عليه النذله كمت مسحت ادموعي وكلت باجر من يهدء اروح اعتذر منه لان صدك هالمره انه الي غلطت بحقه هوه دوم يجي ينطي مصروف للجهال وكايلي من زمان عن افلوس مهند خالهم بالبنك وايكلي من ايكبرون الجهال همه يتصرفون بيهم هسه همه ما محتاجيهم بس سناء من حجت هيج حركت كلبي وكلت الي كلته صعدوا الجهال فرشتلهم وناموا انه بقيت كاعده محتاره باجر اشلون اروح اعتذر منه اخير شي ثكلن اعيوني وغفيت ....فزيت الصفح باوعت للساعه بالسته اله كمت نزلت جوه غسلت وجهي وطبيت للمطبخ لكيت عمتي اتريد اتسوي ريوك......
هدى:صباح الخير عمه.....
_صباح النور....راحت جابت القوري اتريد اتسوي چاي رحت عليها خذيته منها.....
_عوفي عمه انه راح اسوي الريوك.... هزت راسها وراحت طلعت جدر وخليت بيض بيه وسلكته ورحت صعدت فوك كعدت امير وعلي وحسام ابكوه كعدوا خاصتا علي ما ايريد ايروح للمدرسه ابكوه قنعته ايكوم ايبدل......عفتهم ونزلت جوه لكيت القوري فاير طفيته ورتبت الصينيه ورحت طلعت الخبز امس عمتي خابزته رحت وديتها بالصاله ورحت جبت اكلاصات واجيت لكيت عمي كاعد وعمتي والجهال نزلوا اشوي وانفتحت غرفه سناء وطلع سلطان توه كاعد من النوم راح غسل واجه صبح على امه وابوه وضل يشاقه ويضحك ويه امير وهذه بعده امطنكر .....
ام سلطان:تعال يمه اكعد اكلك اتريك ويانه وانتي هدى صبيله چاي.......هزيت راسي واجيت اصبله وهوه حجه...
أنت تقرأ
اهرب من الماضي اليك
De Todoخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
