اهرب من الماضي اليك
هدى: جنت اسولف وادموعي على خدي خاصتا من جنت اسولف اشصار بيه من حبسوني بالغرفه واشلون ايطكني......
ام مروان:سوده بوجهي خاله اشلون متحمله كل هذه الله لا يوفقها هالنور دمرت عائلته وخلت اخوها ينتحر من وره ضيمها الله لا يوفقها وانتي يمه لا تفكرين ولا تشغلين بالج انته بحسبت بنتي الله يرحمها اذا البيت ما شالج اعيوني اتشيلج انتي وجهالج ......
_مشكوره خاله ما قصرتي بس انه اريد جم يوم اكعد اهنا على ما الكالي بيت قريب عليكم عسه ما حواسم بس كون مكان ايلمني انه وجهالي......
_لا تحجين يمه هيج اعتبريه هذه بيتج اشكد ما تردين اتكعدين كعدي عسه ما العمر كله تبقين اهنا انشيلج بعيونه......
_مشكوره خاله ما اتقصرين........مرن الايام وانه ابيت خالتي جنت عايشه برعب كلما اسمع الباب يندك افز اتخيل على لحضه ايطب سلطان وأحمد وايكتلوني اعرف الي سويته غباء. وتسرع بس بوكتها ما لكيت غير هذه الحل كبالي اما بيت خاله امي فناس بسيطين وعايشين على محبه الله الي كاعدين اهنا اربع بنات ولد اثنين بنات اعمارهن تجي ١٦ و١٧واثنين بالعشرين والولد واحد عمره ١٤والثاني ١١كلهم اخوان ايصيرون جهال بت خاله امي امهم اخطيه متوفيه وابوهم اتزوج وشمرهم على بيبيتهم وهيه اتكفلت بيهم اخطيه وخالتي عدها ولد اثنين مروان وحامد حامد عايش بغير منطقه بس مروان عايش اكبال بيتهم كل يوم بليل يجي للخالتي يبقه كاعد يمها ايشوفها اشمحتاجه وايروح يتسوك للبيت على اكثر من مره اريد ادفع وياهم المسواك ما ترضه خالتي ادفع ضليت ادز ابني حسام للسوك ايجيب مسواك ويه ابن مروان وخالتي من تسمع اتضل تحجي عليه بس ما اكدر اكلف عليهم فوك حالتهم الصعبه خالتي تخبز واتبيع على نسوان المنطقه فأنه ضليت اخبز وياها ولد مروان وحسام يرحون ايبيعوه على البيوت ....مرت الايام وماكو اي خبر عن اهلي وبيت عمتي كل مره اريد احاجي مروان ايروح ايشوف اخبارهم شالوا لو بعدهم بس استحي منه وخاصتا مرت مروان احسها اتضوج مني وكلما يجي مروان للبيت خالتي هيه تجي وياه البنات ايكولن مو من عوايدها تجي كبل جانت بس بالمناسبات تجيلنه هسه كل يوم وهسه كلما تجي اتضل تخزر بيه واتذب حجي عليه عرفتها اتخاف على مروان مني ما تدري انه الزلم كلهم كارهتهم من وره الضلم الي شفته بحياتي شفت مروان واكف بالحوش كلت خلي اروح احاجيه ايشوفهم راحوا لو لا اريد انقل جهالي من مدارسهم .......
هدى:شلونك خويه ابو أمجد......
مروان:هله هله خويه الحمدلله انتي اشلونج خو ما محتاجه شي؟.......
_لا سلامتك خويه ما رايده شي بس اذا ما ايصير زحمه اريد منك اتروح للمنطقتنه تسأل عن اخوي وبيت عمتي اتشوفلياهم سافروا لو لا واريد منك اتروح للمدرسه الجهال اجيبلي وثايقهم من المدرسه واكون متشكره منك ......انطيته اسامي مدرستهم..
أنت تقرأ
اهرب من الماضي اليك
Randomخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
