اهرب من الماضي اليك
زينب الجبوري
لاتنسون التصويت والتعليق🤍😘
هدى:ياا هاي شنو. رجعتي تبجين ولج كافي تبجين شوفي اعيونج اشصار بيهن........
اساور:كله من ورااييي سافرر.....
هدى:يااا ولج انتي مالج غرض هوه غلط واتحاسب على
غلطته كافي تبجين كطعتي كلبي. ايروحلج مهيمن فدوه
للدموعج من چان ازغير وهوه ايأذيج الله لا يوفقج سناء
زرعت الحقد بكلبه من هوه وزغير........عفتها ورحت ركض
للغرفتنه شمرت روحي على جربايتي جريت الغطه
وغطيت حته راسي وضليت ابجي تأنيب الضمير ما
راضي ايروح يا ربي اشلون اصحح غلطي ادري غلطت
واتندمت بس هوه الغلط همين منه مز بس مني هوه
اذاني اهواي .....بقيت بالغرفه ما طلعت اشوي وطبت زهراء.......
زهراء:ابوي ايصيحلج صبوا العشه.....مسحت ادموعي وحجيت من جوه الغطه.....
_ما اريد كليلهم اريد انام.....
زهراء:ابكيفج....عافتني وسدت الباب وراها غمضت
اعيوني احاول انسه الي صار بس ما كادره كلما انسه
السالفه تجي سناء اتذكرني ومريم الي مستمره تبتزني
بهل السالفه اووف يمته اخلص من هالماضي.....صارت
الساعه بالوحده بليل وانه بعدني ما نايمه وخرت الغطه
عني شفت زهراء غافيه والنقال باقي يمها مفتوح كمت
حته اطفي نقالها واغطيها عدل جريت النقال استغربت
الموبايل مفتوح على صوره حسام باوعت محفوظه
بالاستديو زهراء اشعندها حافظه صورته؟معقوله بينهم
علاقه؟اي ليش لا شو اربعه وعشرين ساعه همه سويه
وايوديها وايجيبها اكيد بيناتهم شي والله اذا طلعوا بينهم
علاقه امي مستحيل تقبل زهراء اتصير جنتها طفيت
الموبايل وحطيته يم راسها وجريت الغطه وغطيتها
نزلت جوه الكل نايم والبيت صنته طبيت للمطبخ
صبيتلي اكلاص ماي شربته وحسيت نفسي جوعانه
فتحت الثلاجه لكيت ضاميلي عشه طلعته وحميته
طلعتلي خبزه وخليتهن على الميز وكعدت اكل .....
حسام:هاي شنو كاعده؟.......درت عليه وابتسمت.
اساور:اي كعدت ونزلت جوعانه كلت اكلي شي ......جر الكرسي وكعد يمي .....
_سمعت امي اتكول جنتي تبجين ؟ليش باجيه شنو الي بجه اختي الحلوه........
أنت تقرأ
اهرب من الماضي اليك
Acakخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
