اهرب من الماضي اليك
هدى:درت وجهي شفته سلطان كعد على القنفه وخله رجل على رجل وايباوعلي من فوك لي جوه بلعت ريكي وشجعت نفسي وحجيت......
_سلطان افتح الباب......باوعلي ابتسم بطرف شفته وحجه
....
سلطان:تعاي هاج اخذي المفتاح لا ايصير بيج شي ما مسويلج شي وجهج صار اصفر ......رفع المفتاح اكباله رحت عليه وانه نافخه ريشي وامسويه نفسي ما خايفه وخازرته توني مديت ايدي اريد اخذ المفتاح ما اشوفه اله جر ايدي وقوه قبضته على ايدي وكام باوعلي وحجه......
_هاي ايدج مره ثانيه اذا انمدت عليه تنكسر فاهمه؟مو سلطان الي ترفضه وحده مثلج تره اكدر اخذ الي اريده منج وغصبن عليج وانتي الممنونه بس اكول اخطيه اراعيها ما اجبرها على شي بس طلعتي مو وجه احترام ......كلما يحجي يضغط على ايدي حسيتها راح تنكسرر ....
_اخخخ عوفف ايدي راح تكسرها وخر عني.....
_اشو ما اوخر اشتردين اسوين بله؟.....حاولت اهدي نفسي وما اعصب واجفص بالحجي يمه ......
_استغفر الله سلطان لا انه ولا انته مراهقين حته تصرف وياي هاي السوالف الي ما يتصرفوها غير المراهقين.....بس حجيت هيج عوج ايدي وخلاها وره ضهري وقرب حلكه من اذني وحجه........
_وانه عاجبني اتصرف هالتصرفات عندج اعتراض؟.....
_سلطااانن ايدي والقراءن راح تنكسر هدها.........
_سمعي لج وخلي حجيي ترجيه بأذنج اكثر من مره تجاوزين وانه اغلس للخاطر الجهال بس قسم بالله بعد ما راح اعديهن الج كافي مصختيها شفتيني ساكتلج ضليتي اتزيدين وهاي دفعتج الي راح ارجعها الج لا تخافين انه اعرف اشلون اتصرف وياج ....حجه هيج ودفعني وطلع جريت نفس وكلت بكلبي شتريد اتسوي سوي ما ايهمني عفت الببت عليهم همه اينضفوه مو خدامه عنده وسناء رجعت بعد شكو انه انضف خذيت اساور وصعدت فوك فرشت الي وللجهالي صحتلهم من الدرج ايصعدون اينامون وصدك صعدوا كلهم غطيتهتهم. ونمت.....كعدت ثاني يوم وكعدت جهالي للدوام سويتلهم اريوك وراحوا للمدرسه طب سلطان للمطبخ وهوه يعدل بقميصه باوعلي وحجه........
سلطان: بسرعه سويلي اريوك مستعجل.....
_ليش وينها مرتك ما اتسويلك هيه؟......
_والله يا ست هدى مرتي نايمه وما ايهون عليه اكعدها وانتي موجوده فيله بلا حجي زايد صبيلي .....سكتت عنه ودرت على الطباخ وانه اهدي ابنفسي ما اريد احجي احجايه واندم بعدين ....صبيتله الچاي وخليتله جبن وخبز وكصصتله اخيار وخليتله بيض سلك سويته للجهال وما كشرته خليته اكباله واجيت اروح حجه......
سلطان:تعاي كعدي اكلي وياي وين رايحه.....
_ما اريد شبعانه .......عفته ورحت صعدت فوك كلت اكمل نومتي وسناء اتنضف وصدك رجعت كملت نومتي ما كعدت اله على حركه اساور بالغرفه كمت مبتشمه الها جريتها بوستها ورحت غسلت وجهه وكعدت امشط شعرها سويتلها اكرون وبدلت اهدومها كمت باوعت للنفسي بالمرايه كلت كافي خلي اذب الاسود من مات ابوي لحد هسه لابسه اسود كمت فتحت الكنتور وطلعت دشداشه قديمه لونها وردي مخصره خذيتها ورحت للحمام سبحت ولبستها وكفت يم المرايه حيل اشكد صارلي ما شايفه الالوان على جسمي ابتسمت وجريت المشط مشطت شعري ولبست طوك وجريت الكحله خطيت اعيوني وخليت حمره باوعت للنفسي واو هاي عود بس اشوي خليت وطلعت افلش لو بعد اخلي اخخ يمه من جمالي تعاي خلي ابوس نفسي على هالجمال ادري الله شكد تاعب بيه اشو هم طول هم رشاقه وهم جمال اشو حته كرشي عنوني ولا عبالك امخلفه اربعه اللهم صلي على محمد وال محمد بس لا احسد روحي بس والله اخبل لك كمر طالعه .....اباوع لاساور واتباوعلي وتضحك رحت عليها وشلتها....ولج هاي عليمن اضحكين عليه اموتج ولج خرب يومج انتي هيج ازغيره واتخبلين من اتكبرين اشلون اصيرين اتخلين الزلم يذابحون بيناتهم طالعه على امج صاكه ولو نسيت انتي اتشبهين ابوج........هالخوثه اتباوعلي وتضحك ومافاهمه شحجي شلتها ورحت بخيت روحي عطر ونزلت جوه شفت انعالي خالته جوه الدرج ما صارلي اهواي من اشتريته جريته ولبسته وطبيت للصاله لكيت عمتي كاعده تقره قراءن من شافتني رفعت راسه ورجعت دنكت اعرف بعدها زعلانه عليه صبحت عليها ورحت بالمطبخ اباوع المواعين على حطتهم وزايدات ومحد غاسلهم والطباخ وصخ طبت ساره للمطبخ وباوعتلي وحجت......
أنت تقرأ
اهرب من الماضي اليك
Randomخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
