اهرب من الماضي اليك

بارت ٥٠

اهرب من الماضي اليك
زينب الجبوري
هلو طبعا جنت ناويه انشره قبل ال١٢بس صارت عدنه طلعه من العصر وما رجعنه اله بالتسعه فكعدت اكتب ابسرعه ابسرعه علمود الحك انشره البارت فوك ٣٠٠٠كلمه اتمنه يعجبكم وراح احاول انشر من وكت🥺قرائه ممتعه

***********************************
أين نهاية الالم اليس لكل شيء نهاية ؟

حسام:دزيلي رقم او حساب سليل......

زهراء:ليش؟....

_اريد اسلم على ابوها.....

زهراء:صدك تحجي...

حسام:زهراء عن الثول ودزيلي حسابها او رقمها....

زهراء:ما عدهم رقم خاص بيها.....

_چا اشلون اتراسليها......

_مرات من جهاز اختها ومرات من جهاز امها وهيه مو دوم اتراسل.....

_شوفي هسه اتراسليها واتحاجيها كليلها اخوي ايريد ايحاجيج ......

_اووف ابتلشت بست سليل .....

_انجبي وروحي راسليها.........

سليل:جنت مندمجه ويه المسلسل واغسل المواعين اجت غيد تركض......

غيد:تعاي ولج هاي صديقتج زهراء كاعده اتراسل اتكول خلي اتجاوبني سليل .......نشفت ايدي وخذيت الجهاز منها ......

سليل:ها هلو زهراء اشلونج؟....

_تمام الحمدالله شوفي من الاخير اخوي حسام معجب بيچ وايريد احساب او رفم ايراسلج منه راح انطيه هسه احساب اختج ؟......ضليت صافنه على الرساله ما مصدكه الي كاعده اقراه اباوع للغيد شاكه الحلك ضربتني على ضهري.....

غيد:يا الفاهيه كتبي اي انطيه لا اتصيرين امطفيه يله بسرعه......

_شكتب ولج .....

غيد:يبووي راح تجلطني بفهاوتها ولج كتبيلها اي انطيه ....كتبتلها انطيه قرتها وما دزت شي اشوي ووصل متابعه طبينه على الحساب لكيناه حسام.....

غيد:يبوووي شوفي ااشلون مرتب وحلو ولج هذه اذا صار حبيبج اصيرين اسعد وحده وانوب شوفي امبين طاك اجتلي تابعته غيد واشوي وراسل......

حسام:سلاامم...باوعت للغيد بمعنى شكتبله.....

_كتبيله اهلا .....كتبت واشوي ورجع دز.....

حسام:اعتذر عن الي صار ذاك اليوم ادري احرجتج بس جنت رايد احاجيج بموضوع والموضوع ما ينحجي واحنه واكفين فكلت اعزمج على شي ونكعد انسولف ....

غيد:يبووي شوفي اشلون يعتذر اتروحلك سليل وعشيرتها فدوه الك يبعد روحي انته ......طكيتها على ضهرها....

_انجبي حيوانه وهسه كليلي شكتب......

_كتبيله عادي ما صار شي.....كتبتله قراها ودز......