اهرب من الماضي اليك
هدى:طلع سلطان من البيت اجت عليه مرت حسين .....
ملك:هله بيج خيه توه ما نور البيت.......
_حبيبتي امنور بأهله .... كعدت يمي وضلت اتسولف وتسألني عن عمي وعمتي واتحاول اطلعني من الجو الي انه بيه بس انه بالي ابد مو يمها كلشش مختنكه حسام كاعد يمي وصافن عليه وعلي وامير كاعدين ايلعبون ويه جهال حسين واساور لازمتها بت حسين واتمشط بيها ابتسمت عليهم ملك مرت حسين احسن بالف مره من سناء اشوي وطب حسين......
حسين:دباع ذول كلبوا الاستقبال حلبه مصارعه ولكم اكعدوا المدات ما صارلي اسبوع مشتريهن........
ملك:يا اسبوع قصدك صارلهن دهر عدنه بلكي ايشككوهن واتججيبلنه جدد......
حسين:ابروح ابوج هدى مو جدد عبالك اليوم مشتريهن
....
ضحكت على اسوالفه ملك متخبله اتريد اتبدلهن وهوه يضحك عليها ......
ملك:يمه انته وياه ما اوصيكم اريدكم ا تشككوها بلكي من ايشوفهن امشككات ايحس على روحه ويشتري.....
_وحق الله لو الكه زرف واحد بيهن اروح اخذ افلوسهن من سلطان واخسره اضعافه ......
_اي چا ششكوهن ما دام راح ياخذ افلوس من سلطان وايجيبلنه جددد......
_يهو كلج اجيب جدد اخذ الفلوس واخليهن بجيبي ويبقن القنفات.......
_يبوووي اعوفك ما راح احجي وياك لان لو بقيت احجي وياك انجلط ......
_اسم الله عليج كلبي بعدوينج ولا بيچ اشعندي غيرچ ولج اذا صار بيچ شي غير اموت........اباوعلهم ومبتسمه علاقتهم الله يحفضهم اتخبل وهوه حسين حيل فقير يستاهل هيج وحده اتحبه وفقيره .....
ملك:يا اشمالك يمعود مو كدامهم .......
حسين:عيني اهديوه سدي اذانج لا اسمعين انه اريد اتغزل ببطتي.......
_يبووووي هم كال بطه .....
_واحله بطه عمي دشوف اشلون تمشي عبالك بطه ......
_هسه بس خلي اجيب شوف اشلون يرجع جسمي ايخبل مثل كبل......
_وكرشچ هذه وين اتوديه......
_ابلعه ما عليك ايروح ......بقوا كاعدين يمي ايسولفون يردون ايطلعوني من الجو الي انه بيه بس جنت بس ابتسم واجاوب من ايسألوني ......
ملك:كومي هدى لحكيني على المطبخ راح اسوي عشه وانتي اوكفي يمي انسولف.......
حسين:وصدك خلصوا بسرعه وره العشه نطلع......
هدى:ما اريد اكلف عليك خويه ....
_لا كلافه ولا شي واصلا من زمان امواعدهم اطلعهم ورايح من بالي زين اجيتي واذكرت.....الجهال فرحوا راح ايطلعون رحت وره ملك انجهز العشه وهيه اخطيه احتارت شطلع ما بقت شي بالثلاجه كلش حبيتها للملك على الرغم ماعندي علاقه وياها ومرات من اشوفها تجيلنه ساكته ما تحجي عباالي شايفه روحها بس اليوم طلعت بالعكس كلش حبابه وطيبه بقينه انه وياهة انسوي عشه وهيه اتسولف وتضحك فطيره كلشش ما اتخيلتها هيج ...خلصنه العشه وصاحت للولد اينكلوه بسطنه كلنه على السفره.....
أنت تقرأ
اهرب من الماضي اليك
Разноеخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
