اهرب من الماضي اليك
هدى:ما اهتميت للحجيه شيريد ايسوي اكثر من الي صار وياي نزلت جوه شفت اساور بحضن جدها .......
ابو سلطان: شوفي ماخذه ملامح ابوها حته سماره ماخذته .....
ام سلطان:اي نسخه من ابوها اخخخ يمه ما لحك يفرح ابنته قبل لا ينتحر اجالي الصبح وصاني على بنته ايكلي ديري بالج عليها ما جنت ادري بيه راح ايموت وايعوفني وايعوف جهاله اووفف يمه حرك كلبي عليه ....عفتهم ورحت طبيت للمطبخ لكيت سلطان بالمطبخ ايريد ايحمي عشاه رحت عليه ......
هدى:جيب انه احميه.....رفع راسه خزرني ودار وجهه طبت بته صاحله.....
_باباتي سارونه تعاي حميلي عشاي وجيبيه بالصاله ......
_صاار يابه تدلل......دفعني وطلع من المطبخ هوه مو صوجك صوجي انه اجيت كلت عنك اخطيه لا خطالك حال ........
ساره:ارتاحيتي هسه من هجمتي بيتنه؟ ......
_هي اشكاعده اتخربطين انتي واسوالف اكبار طلعي منها لا تدخلين بيها مفهوم......
_لا اشو ادخل ونص انتي دخلتي حياتنه وهجمتيها هاي اول ما اجيتي امي راحت للبيت جدي .......
_استغفر الله ساره كتلج اسوالف اكبار عوفيهن الهي بدراستج........
_تعرفين حجي صحيح وماعندج جاوب الي بس الي اريد اكوله ابتعدي عن ابوي لا اتشوفين شي ما يعجبج........
_هي هي انتي تردين اروح احجي الي كلتيه لابوج واخليه ايطيح حظج......
_ما استبعدها عنج حيه اكيد راح ترحين اتنقلين الحجي واكيد راح اضيفين حجي مو شي جديد عنج.....عافتني ومشت دارت وجهه عليه وحجت ...دوها نسيت كومي سوي عشه لابوي شنو جايبيج انباوع للطولج.......
هدى:على ما اتوقع ابوج كلج انتي اتسوين العشه.....
_والله عندي اقرايه ما فارغه اطبخ.....حجت هيج وعافتني ما انتضرت احجي اتنهدت وكلت خلي اكفي شرهم واسويله عشه وصدك كعدت حميتله العشه جانوا امسوين حميسه بيذنجان حميته وسويتله وياها زلاطه وطلعتله كاسه امحلبي وسويتله چاي صبيته بستكان الچاي وخليت الصحونه بالصينيه واجيت اوديه طبت ساره.......
ساره:عوفي الصينيه انه اوديها .....عفتها ما حجيت شي اصلا اتسوي فضل اتوديه ما ناقصه مغثه من ابوها .....رحت بالصاله بقيت واكفه بالباب محتاره اطب لو لا جهالي كلهم يمهم كاعدين ايلعبون ويه بنات سلطان الزغار امهم عايفتهم بس ماخذه بتها الزغيره والبقيه عايفتهن ومهيمن كاعد يم ابوه ويحجي وياه وحسام كاعد يم جده واساور امكعدها سلطان بحظنه وايوكلها امحلبي وهيه تضحك باوعت للساعه بالعشره كلت خلي اصيحلهم اينامون.......
هدى:حسام جيب اخوانك واختك وتعالوا صعدوا ناموا......
سلطان:خليهم كاعدين هسه مو وقت نوم.....
أنت تقرأ
اهرب من الماضي اليك
Разноеخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
