اهرب من الماضي اليك
ام سلطان :ولكم الحكوووو اختكممم انهزمت من البيتتت............
مهند:اشكاعده تحجين شنو انهزمت وين انهزمت ويمته انهزمت............
_ما ادري ما ادري رحت للغرفتها وما لكيتها بيها ودورت باغراضها ماخذتهن كلهن وماخذه الذهب والفلوس ومستمسكاتها كلهن.........
سلطان:مهند ابسرعه روح للحسين ولد عمي خلي نلحك عليهم قبل لا ايطلعون من المحافضه............حجه هيج وطلع وابوي لحكه بقيت يم بيبيتي ما اعرف شسويلها اباوعله نهت روحها من البجي وجدي كاعد على القنفه وحاط راسه بين ايديه وساكت ما يحجي شي صافن على الكاع وما منطي اي رده فعل رحت جبت ماي للبيبيتي الي ملخت شعرها كله علمود عمتي.........
ام سلطان:كله منكم ليش ما زوجتوها اله من اجه خطبها ارتاحيتوا هسه من انهزمت وياه ارتاحيتوا من عافتني بنتي كتلك انطيه اله ما دام شاري البنيه بس انته واخوانها ما رضيتوا على ما خليتوها تنهزم والله اهجككم بليله ضلمه اذا ما رجعتوا بنتي ابحضني............
سناء:اصخام الصخمنه البنيه واليوم خطبتها شنكل للناس بتنه انهزمت يبوووي يا كبرها عند ربي الناس راح تاكل اوجوهتنه اتصخمنه ............
ام سلطان:ابو سلطااان لا اضل هيج كاعد كوم دور على بنتي تدري بيها ازغيره ومدله ما تعرف تصرف ابوحدها كوم رجعلي بنتي انه اريد بنتي هسه اترجعوها الي............راستا فز جدي وصرخ بعمتي.........
ابو سلطان:كاااففففيييي كاافففيي سددي حلكج البنيه شردت من وره دلالج الها خربتيها وهاي هيه صخمت وجهنه وشردت وحق الله بس الكفها اشرب من دمها كا اطلع ابن امي وابوي اذا ما ذبحتها وشربت من دمها .........حجه هيج وعافنه وطلع عمتي بقت ادك وتلطم وتبجي على عمتي اخير شي طاحت مغمه عليها ركضت عليها اهز بيها ماكو اي حركه منها ............
سناء:ولك كووم صيح للخالك خلي يجي ياخذها للمستشفى لا اتموت علينه.........عفتهم وركضت للبيت خالي وانه حافي بس وصلت فلشت الباب عليهم اشوي وسمعت صوت امي.........
_اشوي اشوي على الباب اجينه .........فتحت الباب وانصدمت بيه.........يمه حسام اشبيك وليش هيج وجهك وحالتك اشصاير اخوانك بيهم شي؟.........
_يمه بسرعه صيحي للخالي احمد خلي يجي للبيت جدي.........
_ولك احجي اشصاير اخوانك بيهم شي.........
_كل شي ما بيهم يمه بس بيبيتي طاحت علينه ومحد بالبيت.........
_اصخام الصخمني ليش اشبيها.........
_يمه فدوه مو وكت الاسئله بس صيحيلي للخالي خلي نلحك عليها.........
_اي اي هسه اصيحله......... طبت وطبيت وراها. غسلت وجهي باوعت للايدي ترجف خاي٥ على بيبيتي لا ايصير بيها شي هيه امي الثانيه اشوي واجه خالي عليه............
أنت تقرأ
اهرب من الماضي اليك
De Todoخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...