اهرب من الماضي اليك

بارت ١٧

اهرب من الماضي اليك

وخايف اخسرك جنت.....
وتمنيت خايف اظل.....
متردت اصيرن بشر.....
ماعنده شي يخسره.....

حسام :شفت المفتاح امعلكتها بالحايط جريتها ورحت فتحت الباب لامي باوعتلها وانه مصدوم اشصاير بيج يمه واول ما شافتني شمرت روحها عليه وشبكتني وضلت تصرخ وتبجي ادموعي ضلت تجري وحده وره الثانيه على حالت امي كلتلها نطلع من البيت انه واخواني لان اذاا بقينه اهنا ما راح ايخلونه نجتمع سويه اكيد راح ايبعدونه عن امنه كل تفكيري جان نطلع منا انه واخواني اباوع امي تمشي بالغرفه وتصفن ما ادري اشبيها رحت عليها لزمت ايدها وحجيت.......

_يمه اشبيج عن شنو كاعده ادورين.......

_اخوك امير وينه جان اهنا نايم وين راح......

_يمه اشبيج امير مو اهنا بالغرفه نايم امشي انه اوديج اله.........

_ها اي اي صح ما جان اهناك.........جريتها من ايدها وخذيتها للغرفتنه طول ماهيه تمشي تصفن بس ما جنت اعرف ليش وصلنه للغرفتنه طبت جانوا اخواني نايمين رحت عليهم اكعد بيهم وامي راحت على اختي نور شالتها وشمتها ضليت اراقب بتصرفاتها هادئه امي عكس اول ما فتحت الباب الها شايله نور واتبوس بيها واشم بهدوء اذكرت حجي عمي للبيبتي من كال مهند ايكول هدى صايرات تصرفاتها غريبه ساعات هادئه وساعات بس تصرخ .........اخواني كعدوا شافوا امي انصدموا امير راستا ركض عليها وهوه يبجي.........هيه اول ما شافتهم راحت عليهم وشبكتهم وادموعها تنزل ابهدوء طلعت بره الغرفه اشوف اخاف احد يصعد وايشوفهن وما ايخلينه نشرد من البيت باوعتلهم محد موجود بالصاله ذول وين راحوا رجت للغرفه بيبتي حطيت اذني على الباب واصنتت عليهم...............

سلطان:يعني حجييي هدى كله صحيح هيه لكفتج ويه واحد وانتي ذبيتيه ابراسها يعني انتي الي صخمتي وجهنه مو هيه طول الفتره الي كاعده تتعذب بيها هيه من وراج ولج ما خفتي من الله مره مالها دخل بالسالفه اتشمريه عليها ولج ما خفتي مهند او اخوانها ايكتلوها واخطيتها ابركبتج احجي ليشششش ساااكتتتتته احجييي لا اتضللليييننن ساااكتتتته احجييي ولج لا اتخبليني .........سمعت صوت تكسير شي وصوت عمي وهوه ايطك نور وصوت اصريخها والله فرحت واشمتت بيها وهيه تنطك.........

سلطان:ولج ابشنووو قصررنه وياج احسن لبس واحسن اكل يوصلج واجازينه هيج ولج احنه ما وكفنه ابعينج ما كلتي اهلي اخطيه المن اجيبلهم السمعه المو زينه مهندد الي ايباوع للحلكج واي شي اتكليله ايكلج تم وصار الي مفضلج على مرته وجهاله وعلينه ما وكف ابعينج وما كلتي اخوي المن انزل راسه بهاي عمايلي كل هالاشياء الي ايسويها الج تاليتج اجازينه وتتهمين مرته باطل وخليتيه يتخبل الوجال على مرته وحابسها وعذبها وحرمها من جهالها كل الاشياء الي صارن وياها انتي جنتي شاهده عليهن شنو ما كسرت خاطرج وكلتي خلي اعترف واكول مو هيه............