اهرب من الماضي اليك
زينب الجبوري
واكفه بالكراج والشمس تصكع ابراسي اووف هذه وينه
لحد هسه ما جاي مو كال بال١ونص يجي هسه صارت
بال٢ونص فوك وهوه ماكو بس بسيطه ادري بيه اتعمد
ايبقيني بهل الشمس باوعت الطلاب كلهم طلعوا وبده
الكراج يفرغ وطلاب المسائي بدوا يجوون اوووف وين
صار هذه انوب نقالي مابيه رصيد ما اكدر اتصل عليه
درت على الجهه الثانيه انتبهت للمحمد واكف ايباوعلي
اوفف ناقصتك انه بس لو اعرف يمته لحكت اتحبني
واحنه مرحله اولى وانوب من اول شهر حبني خرب
حظك كلب لو شنو انتبهت على تسكويري والمثلثات ما
جايبتهن لا مو وكتها ابد وين بيه حيل هسه اروح
اجيبهن شفت سيارته اجت بسيطه مثل ما خليتني ابقه
اهنا بالساعه اله اخليك تنتضر رحت بسرعه للقسمنه
اركض وانه وكعبي على لحظه اطيح بنص القسم واصير
حديث الطلاب وصلت للقسمنه طبيت داخل وركضت
لللوكرات اتذكر خليتهن فوك خزنه رقم ٥١ رحت عليها
مديت ايدي ما لكيتهن خررب حظي وين راحن فتح
الخزنه لكيت بيها المثلثات بس التسكوير مهو ضليت
ادور عليه لكيته مشمور يم الشباك رحت عليه لكيته
مكسور ومشمور يا هاي ليش كاسريه وشامريه وانه قبل
اسبوع انكسر واشتريت غيره شنو كل اسبوع اشتري
جديد خذيته وانه اسب بالي كسره الله يكسر راسك
هسه اشلون ويه دكتورنه اذا شافه مكسور ايطين
عيشتي اووف طلعت مو القسم كلت خلي اروح للكفتريا
اشتري لفه وعصير واتبرد اشوي اهناك باوعت للفلوسي
زين عندي باقي رحت للكفتريا سمعت صوت موبايلي
طلعته من الجنطه قريت الاسم ابتسمت وسويته سايلنت ورجعته للجنطتي .........
_اشلونك عمو......
_هله هله بويه وينج صارلج چم يوم ما انشوفج ......
_والله عمو من وره المحاضرات ما اكدر احك راسي محاضره وره محاضره ما ينطونه مجال نتنفس .........
_الله يوفقج بنيتي وان شاءالله تنجحين من دور اول وما يضيعلج اي تعب......
_فدوه رحتلك عمو اي هيج اندعيلي فدوه وحته جهالك خلوهم يدعولي ويه قسمنه لازم العراق كله يدعيلي يله انجح .........
أنت تقرأ
اهرب من الماضي اليك
Aléatoireخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
