اهرب من الماضي اليك
زينب الجبوري
هدى:ذيج بعدها بالبيت .....
اساور:يمه خلي اتولي لا ايصير بيج شي من وراها..... ما سمعت للحجي وطلعت عفت الصينيه على الارض وركضت وراها لكيتها واكفه ابكالهن ......
هدى:هاي شسوي اهنا مو كالوا راح ايطلكها ويشمرها للبيت اهلها شسوي جايه اهنا......
ام سلطان:هدى بطلي اخبال البنيه مالها دخل بسوايه اهلها هيه شكو حته جاين هادين عليها......
هدى:انتي لا اتخبليني نسيتي اشصار بينه من وراهم.....
_اتضل بنتي.....
_ومهند ايضل ابنج الي بعده بعز شبابه مات وبعده ما شابع من جهاله مات منتحر وكله من وره بنتج المصونه......
_كومي يمه روحي للغرفتج ولا اطلعين.....وكفت امي اكبال الباب. ......
_خلي تطلع بره كلت ما تبقه يعني ماتبقه......
_لايكون هذه بيت الخلفوج وما ادري لا تنسين عمرج تره انتي جنه بهل البيت وهيه بيت جدها وها وفوكها جنه بهل البيت ......
_اها هيه صار مو بيتي مو سهله يجي سلطان ولو انه لو هاي بالبيت .......
سناء:اي ما شاءالله سلطان امسويته خاتم باصبعج اكيد يطردها هوه شايف غيرج من وره اسحورتج......
_هالدرب عايفته الج ولاشكالج......
اساور:يمه كافي لا ايصير بيج شي وانتي بوحدج مريضه ......
_اشلون ما ابصير بيه شي واخوج جايب هاي للبيت ......
سليل:مو اني الي كتله تعال ازوجني هوه من وحده قرر يزوجني يعني لا عبالج اني فرحانه بهل الزواجه.....
.
_دباع السان اشطوله وانه المن انصدم بعد تربيه انويره شتوقع اطلعين متربيه ......
_لا تحجبن على امي .....
_انجبي اكول ما احجي على امها الخايسه احجي عليها وامسح بيها الكاع وفكي حلكج علمود اله اشكه الج ما عوزي بعد اله تجيلي ازباله انويره تمد السانها عليه........
ام سلطان:اشو صايره ما تحترمين احد ما اتكولين عمتي كاعده كدامي عيب احجي هيج كبالها........
هدى:والله بتج قبل جم سنه خلت سمعتكم بالزباله ومن وراها اخوها راح واتيتم جهالها وهسه اشوفج اتحضنين ابتها واتبوسين بيها .......
_اها هيج صارت واكفه واتعايرين بيه بنتي مو سهله هدى سهله وسمعي ولج وخليها ترجيه باذنج سليل ما تطلع من البيت واذا طلعت رجلي على رجلها .....
_خليها لا تطلع انه الي راح اطلع لو انه لو هيه بالبيت ......عافتنه وراحت اباوع هالسليل اشلون حاضن بيبتي واتباوعلنه بس شافتني باوعتلها دارت عني ......
أنت تقرأ
اهرب من الماضي اليك
Aléatoireخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
