اهرب من الماضي اليك

بارت ٤١

اهرب من الماضي اليك
زينب الجبوري

هدى:واتغطيت وغفيت ما ادري اشكد نمت فزيت مخترعه
على جرت شعري حسيت فروه شعري راحت .........

سلطان:ولج حيوانه بس كليلي اشسويتلج حته اتخونيني وانوب ويامن ويه اقاربنه ما لكيتي اله اقاربنه اتخونيني ويله ولج ما دام ما ترديني المن قبلتي بيه ليش ما عفتي الجهال ورحتي دحتي بالشوارع انه اعرف ليش شسويتي هيج كله علمود تنتقمين من الي سواه مهند بيج مووو صح حجيي لو لا.........ما انطاني فرصه احجي لازم شعري وايخض بيه وايصيح .........

هدى:اخخ سلطان شعري اشبيك اشصاير شمسويه والله الي كالتله الك سناء كله جذب .........

سلطان:ولج يا صخمان ولج اجتلي طليقته اتكلي وخر مرتك عن عدنان عدها علاقه بعدنان جانوا ناوين ايرجعون وانتي الي اجيتي وخذيتيه منها .........حجه هيج وخذه المزهريه الي على الميز ركعها بالكاع .........

_بس اوكف خلي افهمك والله ماكو شي من الي ابالك والله كاعدين يتبلون عليه وايضلموني انه لا عندي علاقه وياه ولا ويه غيره صدكني سلطان انته تعرفني كلشش زين احبك ومستحيل اكدر اعوفك او اخونك.........

_ههههه كافي كافي اتمثلين لعبتج انكشفتتت حبيبج الغالي ابصلافه واكف اكبالي وايكلي اي احبها واتحبني وطلقها اريد اخذها ولج بكل صلافه واكف هيج يحجي كبالي لا خاف مني ولا شي ولج دين ما ضل براسي وانه اسمعه هيج يحجي لو ما الولد ادخلوا جان موته بسس اخخخ شرد مني .........يحجي وهوه يمشي ما بقه شي بالغرفه ما كسره اريده يسكت علمود احجي وافهمه كل الي صار تخطيط منهم .........اجه عليه مثل الثور الهايج جرني من دشداشتي ويدفر بيه خفت على الي ابطني لا ايصير بيه شي من وراه وهوه اباوعله عقل ما ضال ابراسه يطك وايفشر ما بقه افشاره تعتب عليه وانه كل تفكيري بالي ابطني اكيد وره هالطك ما راح يبقه من حلات روحي دفعته بكل قوتي وكمت ركضت فتحت الباب وانه اصرخ اريد. واحد منهم يجي يوخر سلطان مني كل الي ابالي انقذ الي ابطني ما اريد اخسره اجيت انزل من الدرج توني خليت رجلي على البايه وعثرت بدشداشتي اجيت الزم المحجر ما لحكت الزمه وطحت من فوك ضليت اصرخ واريد بس الزم بشي ايوكفني ماكو اتكودت بالارض والالم هاج عليه ضليت اصرخ من الوجع البيت كله التم على صوتي الجهال. طلعوا من غرفتهم على صوتي بطني احسها كاعده تتكطع الم ما يتحمل واحسس ببروده جواي .........

ام سلطان:ولك سلطان اصخام ابوجهك اشسويت بالبنيه كاعده تنزف ولج سنااء جيبيله شي خلي ناخذها للمستشفى......باوعت للدشداشتي وراستا صرخت الدشداشه عباره عن دم فتحت اعيوني على وسعهن ابني راح مني.........

هدى:عمه عمه الحكيني ابني ابني فدوه لا ايروح مني .........جنت احجي والوجع اموتني اجه سلطان وكف فوك راسي......

ام سلطان:ولك يمه ابسرعه حظر سيارتك البنيه راح اتموت......

سلطان:ايطبها مرض هالساقطه خلها اتموت موتت الجلب.........