اهرب من الماضي اليك
زينب الجبوري
خطيئه الأنقياء ، هي ظنهم بأن الجميع مثلهم 🖤🖤.
حسام:الاربعاء بليل راح اجي للبغداد وانتي يوم الخميس داومي اجي عليج من الصبح اخذج ونطلع تمام حبيبتي
سليل:حبيبي تدري بيه ما احب هاي السوالف.....
حسام:سليل كافي اي شي اكلج لا ولا دكولي ما اتثقين بيه وفضيها ....
_منو كال ما اثق بيك بس انه اهلي من النوع المتشددين كلشش بهاي السالفه وشغله لخ يوم الخميس محد ايداوم بس المرحله الرابعه والثالثه يعني من طلابنه محد ايداوم اشعندي مداومه ومن راح ايشوفوني راح اتصير عليه سمعه......
_تره راح انروح مطعم او نكعد نفتر بالسياره واذا تردين محد ايشوفنه سهله تعاليلي من البوابه الثانيه .....
_حسام والله صعبه اطلع من الكليه وياك زين بلكي احد شافنه .....
_محد ايشوفنه يابه بطلي جبن واذا شافونه قابل شمسوين هسه ذيج المره مو صعدتي وياي وكل شي ما صار خمس دقايق ورجعتج للكليه........
_بس شوف ما انروح مكان بعيد عن الكليه .....
_ادللي انضل نفتر بس بالسياره تمام هيج.....
_اي تمام....ضلينه انسولف سمعت صوت امجد سديته
منه ورحت نمت صار يوم الخميس كعدت من الصبح
كلت لاهلي عندي دوام اليوم ما حجوا شي رحت طلعت
بنطرون وقميص من غيد وكعدتها اتخليليى مكياج
واتعدل شعري وهيه اخطيه ما كالت لا كعدت اتجهز بيه
وانه طايره من الفرح اباوع للروحي صرت صاكه
وخاصتا امس غيد نضفتلي وجهي وسوتلي احواجبي
غيرتني تغير جذري راحت للغرفه امي جابتلي عطر
ترستتني ترس منه اباوع للروحي وانه ما مصدكه هاي سليل .....
غيد:اي عيني يبخته حسام بهل الجمال دباعي طلعتي عبالك لعابه شوفي من تهتمين بروحج اشكد حلوه اطلعين؟.......
_ههههه بس اكلج هسه اشلون اطلع اخاف ايشوفني امجد او ابوي ذيج الساعه شيخلصني منهم......
_معليج خليها عليه هسه اروح اشوفلج يهو بره وانتي اطلعي من الباب الصاله علمود لحد ايشوفج......
_تمام اعتمد عليج ......
_ولا يهمج يمي صارت وما اوصيج ضبطيني ويه اخوه......
_ولي اخوه خطبوله قبل فتره.....
_اخخ راح عليه حرامات يله عندي زياد.....ضحكت وهيه
راحت اتشوفلي الطريق اشوي واشرتلي اجي ركضت
بسرعه وطلعت للطارمه عدلت روحي وبقيت انتضر
أنت تقرأ
اهرب من الماضي اليك
Acakخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
