اهرب من الماضي اليك
هدى:طب سلطان للغرفه وشايل بيده علاج اجه عليه شربني العلاج رجعت نمت وغطاني من الالم الي احس بيه ما دريت ابروحي وغفيت ومدري بيش السااعه فزيت وحلكي ناشف حسيت شي بارد على كصتي مديت ايدي وشفته خاولي خاله على راسي باوعت على الجه الثانيه لكيت سلطان نايم على الكرسي بدون ما يدري اتحركت اشوي اريد اجيبلي ماي راستا فزز .....
_ها بويه بيج شي محتاجه شي ......
_اريد ماي.....
_صاار هسه اجيبلج .....كام باوع للدولكن لكاها فارغه ما بيها ماي طلع من الغرفه واشوي وصعد وبيده ماي.....
_هاج بويه اشربي.....خذيته منه وحسيته مر ابكوه جرعته.....خوفتينه عليج بليل بس اتونين وحرارتج ارتفعت ما صدكت نزلت. اشكد حاولت بيج اتكعدين توديج للمستفشى وانتي ماكو نايمه ......
_اسفه تعبتك وياي.....
_شهل الحجي هذه واجبي لا تعب ولا شي اهم شي اتكومين انتي بصحه وسلامه الولد اخطيه شبعوا بجي واساور ابكوه سكتته كومي ابسرعه ما بيه حيل عليهم ههههههه.....
_هههههه وينهم هسه.....
_نايمين يهو كاعدلج هسه .....هزيت راسي وضليت العب بأصابيعي وهوه كاعد ايراقب بحركاتي ضجت من تصرفه اكره احد ايباوعلي اتقيد .....
_ليش ما اتروح اتنام احس نفسي احسن.....حجيت هيج وراستا كام مد ايده على كصتي ......
_لا بعدها حرارتج ما نازله اخاف بعدين تتخربطين عوفيني اهنا. .......هزيت راسي وجريت اللحاف وغطيت روحي وغمضت اعيوني سويت نفسي نايمه وبالحقيقه لا التوتر حته نساني النعاس مجرد فكره هوه وياي بنفس الغرفه اتوترني كل شوي ايمد ايده على كصتي ايشوف مرتفعه حرارتي لو لا اشوي وحسيت عليه اتمدد على الجربايه يمي اهنا عركت وحسيت الهوه انكطع مني هسه مو مريضه شكو تجي تدحس نفسك يمي استغفر الله روح نام ابغرفتك جاي نايم يمي ........كعدت ثاني يوم واحس نفسي احسن من البارحه درت على جهته لكيته ماهو نازل كمت ابكوه سحبت نفسي وعدلت دشداشتي المكلوبه لبستها عدل وجريت الشال ونزلت جوه كل عاده لكيت عمتي كاعده على سجادتها تقره قراءن صبحت عليها هيه صدقت ودارت عليه.....
_هاي يمه بشري اشلون صرتي امس بالي ضل عليج ....
_لا الحمدالله احسن من امس.....
_اي اشوه والصوج مني خليتج اتغسلين الزولاي ما ادري بيج هيج ابسرعه تتمرضين ......
_لا عمه مالج دخل هوه انه نمت وملابسي متنكعه ما غيرتهم .....
_يله انشالله ما اتشوفين اله العافيه وروحي اتريكي وشربي علاجج وراه سلطان خبصنه خلي تشرب وخلي تشرب .....ابتسمت ورحت للمطبخ سويتيلي چاي. وطكيتلي بيضه بسطت وكعدت اكل الجهال مالهم حس معقوله نايمين بعدهم خلصت الريوك كمت غسلتهم ورجعت المواعين للمكانهم ورحت كعدت يم عمتي ضلت اتسولف عن اقاربهم وعن سناء وخواتها شمسويات بإم علي الله يساعدها ما اعرف اشلون متحمله كل هذه سألتها عن عمي ماله حس كالت حسين ماخذه للبغداد علمود ايباشر بكورس العلاج الطبيعي ......
أنت تقرأ
اهرب من الماضي اليك
Overigخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
