اهرب من الماضي اليك
هدى: كاعده بالمطبخ يم ام علي واثرم الزلاطه واجالي صوت سلطان الي ايفزز الميت من كبره ......
ام علي:يا ستار هذه ليش ايصيح اشصاير....
هدى:ما ادري والله بس اكيد ست سناء وازته عليه الله يستر اشكايلتله عليه.....طب للمطبخ درت عليه بلعت ريكه لان امبين امعصب اجه جرني من شعري وحجه.. .....
سلطان:انه مو كتلج الباب ما اتعبيه اله رجلچ على رجلي اشلون تكسرين احچايتي واطلعين من البيت بدون ما اتكليلي ......اجت ام علي وجرتني من. وخلتني وره ضهرها
ام علي: صلي على محمد سلطان اشبيك المره صارلها اشهر محبوسه اهنا بالبيت ما طالعه وانه الي اتوسلت بيها تطلع وياي وهيه وين رايحه للسوك فرق شارع عن بيتنه ليش سويتها سالفه.........
سلطان:ام علي طلعي منها هيه تعرف كلشش زين انه مانعها من الطلعه ليش تكسر بحچايتي وتطلع بدون ما اعرف. ولج هاي ما تتأمن تطلع بصف الباب مو عاد اتوديها للسوك......
ام علي:بعد احبسها بالغرفه واكطع عنها الهوه والاكل والشرب كاافي صارلها اشهر متحمله هالضيم وذيج مرتك الحيه مو طلعت اشو ما سويتلها شي لو كدرتك بس على هاي الفقيره لان ما عندها اهل براسهم حظ ايوكفوك عند حدك........
سناء:والله انه رجلي قابل اطلع ولو مراضي اطلع ما اعتب عتبت الباب بس ذيج الي تدري كلششش زين ما يرضه تطلع وطلعت......
ام علي:اجت الحيه لا هله ولا مرحبه بيج اشعندج طلعتي من حجرج رجعي انطمري بيه ......
سلطان:اشششش كااافييي انتي وياها وانتي ام علي ارجع واكول مالج دخل بهدى هاي اذا انطيتيها وجه تتفرعن علينه انه اعرفها كلششش زين وانتي ولج هالمره ام علي شفعتلج تلمره ثانيه رجليج اكسرهن الج فاهمه دمااغ سزززز.........حجه هيج وعافني. ....
سناء:انتي شنو امبينه امطوله اهنا شنو ما ناويه اترجعين للبيتكم .......
_لا يكون كاعده ابيت الخلفوج حته تحجين هيج كومي منا لج لا اعرف شغلي وياج جلدج صايره فتره ما مطكوك فايحكج ايريد ينطك........
_جنچ ناسيه طك اخوي الج لو اتحبين اذكرج......سمعنه سلطان ايصيح للهاي العكربه اتجيبله اهدومه راحت وهيه تتموع بحجيها قميناها انه وام علي بس طلعت سناء دارت عليه تم علي وقمتني.......
_امداج اي والله خانسه وراي جنچ بزون اشبيج احجي ودافعي عن نفسج ولج لو مو انه جان هسه مطيح حظج وامهلس شعرج شعره شعره........
_يعني شترديني اسوي اكوم اطكه واتعارك وياه . انتي ما اشوفيه اشلون معصب .......
_اكول يالمغمه كملي زلاطتج انتي لو احجي وياج منا للبعد سنه ما ايفيد وياج عقلج واكف ما يشتغل.....عفتها ورحت اسوي زلاطه ادري بسلطان ما راح ايغلس عن هذه الموضوع اكيد بعدين راح ايرزل بيه كملنه الغده انه وام علي وسناء ماكو ما طلعت لاطشه بسلطان بالغرفه ما راضيه ايطلعون وجهالها شامرتهم يمنه بس يتعاركون ويه جهالي خوب مهيمن متخبل علينه مدري سناء اشلاعبه بعقله صاير. يمشي ويتعارك ويه حسام والولد فرشنه السفره وصحت على الجهال ايسكتون لان سطروني سطر ......
أنت تقرأ
اهرب من الماضي اليك
Rastgeleخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
