اهرب من الماضي اليك

بارت ٤٩

اهرب من الماضي اليك

زينب الجبوري

اعتذر عن التأخير 🥺🤍واتمنه البارت ينال اعجابكم🥺🤍

فكيف اتوب في عيناك عشقا وربك في غرامها قد بلاني♥️.

امير:اي مو من مستواي اشبيه اسودنت اخذ هاي اشو لا

اخلاق عدها ولا متربايه انتي شايفه لبسها مال

ك......مجرد ما نطق هالحجايه امي راستا ضربته فتحت

اعيوني على وسعهن هاي اول مره امي اطك واحد من

اخواني بهل العمر امير لزم خده وضحك.....

امير:هاي اطكيني علمود بت اخوج الساقطه؟ سهله امي

سهله.....عافنه وطلع من المطبخ هوه معصب وامي ضلت

اتصيح وتغلط عليه واتسب بيه .......

هدى:ولك لا يكون عبالك اروح اخطبلك ذيج الساقطه الي

امكضيه للفجر فاتحلي كامره وياها وحجيكم المتزوجين

يستحون يحجون مثلكم والله رجليه اكصهن قبل لا

اعتب عتبت بابهم واخطبها........

اساور:يمه هدي لا ايصير بيج شي من وراهم كافي ضغطج راح يرتفع .......

هدى:اشلون ترديني اهدئ وهذه ايريد ايجيبلي ساقطه وايخليها جنه والله اموت ولا اخطبها الك.......

اساور:اخاف احجي واتعصبين الغلط منج يمه ليش

تصرفين من يمج وترحين اتخطبيله بدون ما اتكليله

يعني ما لكيتي اله امير تدرين بيه امخبل ويتخبل من هيج اسوالف .........

هدى:لا والله ترديني اشوف ابني بت ابليس كاعده

اتقشمر عليه واسكت لا والله ما اسكت وغصبن عليه

ياخذ ليال انه خطبتها بعد من ابوها عجبه اهلا وسهلا ما

عجبه ابكيفه بس مال اخطبله ذيج حلم ابليس

بالجنه عود خلي ايروح هوه وحده يخطبها اشوف

ينطوها اله بدون امه ......شفت امي امعصبه كلش

سكتت ما حجيت شي ورحت عصرتلها ليمون وانطيته

اله شربته وهيه تتحسب على حبيبه امير انه اعرف بيه

مرتبط بس ما اعرفها منو هيه بس امي شكلها تعرفها

حته هيج امعصبه امي مو من النوع الي تدخل بهييج

اسوالف وتجبر واحد من اخواني على زواج بس امير ما

اعرف شنو السبب حته هيج رافضه فكره يخطب

حبيبته ........عافتني وراحت طبت بغرفتها بقيت كاعده على الكرسي صافنه احير بشنو بسالفتي لو بسالفه امير اشوي وطبت عمتي سناء .......