اهرب من الماضي اليك
زينب الجبوري
هيلووو 🌝💗
**************
أجمل آقداري آنت
كيف بدونك اعيش..
وحـدك من تمتلـك حق الــوقوف بين آضلعي
والمناداة بـصـوت عآلي
القلب قـلبي..
وانا الآمر الناهيهدى:جريت الشال ولبسته عدل ورحت من وره الباب صحت منو؟.........
_خيتي انه دزني حسين اكلكم سلطان كعد من غيبوبته ......ضحكت وبنفس الوقت ادموعي نزلن ما مصدكه الي كاعده اسمعه اخير سلطان صحه الف حمدلله والشكر الك ربي .....
ام سلطان:هدى منو بالباب.....باوعتلها وضحكت.....
_عمه هذه رجال دازه حسين ايكول سلطان صحه من غيبوبته......
_صدك تحجين. وينه وينه .....ركضت عمتي واجت فتحت الباب اله رحت وره الباب واسمع حجيهم.....
ام سلطان:يمه فدوه رحتلك صدك الي كالته سلطان صحه صدك تحجي يمه كول كلبي راح يوكف على هالولد .....
_اي حجيه صحه الف الحمدلله على سلامته .....
_الف شكر الك ربي الف حمد وشكر الك ربي ما قصرت
ربي طلبته منك ورجعته الي لو اضل اشكرك منا على ما
اموت قليل بحق كرمك ربي طلبته منك وما
قصرت ......كعدت عمتي بالارض وتبجي ورافعه ايديها
فوك تحجي وتبجي......طلعت سناء على الصوت هيه وام علي.....
ام سلطان:ولچن تعالن سلطان صحه .....
سناء:صدك عمه يمته صحه.....ام علي بس سمعت ضلت اتهلهل .....
ام علي:الف الحمدلله والشكر الك ربي كرت عينچ يمه
ابنچ راح يرجعلچ واتكحلين بيه عينچ.........الرجال
اترخص وطلع واتكابلن عمتي وام علي يبچن ما
مصدكات سلطان صحه الحمدالله طول ما سلطان جان
بغيبوبته ما فقدت أمل يرجعلنه الجهال ضلت اتصفك
واتهوس كلهم فرحانين بسلطان عمتي انخبصت اتريد اتروح للسلطان اشوفه ......
ام علي:يمه اكعدي وين رايحه هسه انتضري يجي حسين وهوه ايسولفنه وياخذچ وياه هسه وين تلكين واحد ايوديچ للمستشفى ......
_ولچ ما كادره اصبر اريد هسه اروح اشوفه اووف كلبي ناطف على شوفته الحمدالله راح اشوفه مره ثانيه طوله يفتر بهل البيت الف الحمدالله والشكر الك ربي ما يتمت هالجهال.........
ام علي:الف والحمدالله والشكر .....ابكوه ام علي قنعت
عمتي تبقه وما اتروح انه كمت بسرعه ما مصدكه سلطان
صحه رحت نضفت البيت كله عبالك اليوم راح يطلع ما
مصدكه سلطان صحه سويت البيت يلمع لمع امشي
أنت تقرأ
اهرب من الماضي اليك
Разноеخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...