رواية"أنين ملائكي"
البارت الثالث
الرجل : البت بقت كويسة يا باشا
أيهم بعصبية : نعم إنت بعد دا كلو جاي تقولي كويسة والنعمة لو البت دي طلع عليها نهار لأكون دافنك بإيدي يا حيوان انت ..انت سامع
الرجل وهو يحاول التحدث : ح..حاضر
أغلق أيهم الهاتف في وجهه وأخذ يكسر كل شيء في مكتبه يحدث نفسه :
ماشي يا عادل إن موجعتكش في أكتر حد غالي عليكي زي ما وجعتني مبقاش أنا أيهم الكيلاني .
صمت أيهم لدقائق حتى أتى في باله شيء ما فأمسك هاتفه وقام بالإتصال برجله مرة أخرى
الرجل بخوف : نعم يا باشا
أيهم: اسمع يا حسني البت دي تبقى عندى في اقرب وقت
حسني : حاضر
أيهم بتنبيه: وحية ميكنش فيها خدش صغير حتى
حسني : أوامرك ياباشا
وضع هاتفه على طاولة مكتبة وقام بمناداة أحد الخدم وطلب منها تنظيف كل شيء ..
في غرفة الموظفين بالمستشفى كانت فجر تجلس مع صديقتها حور
حور : قوليلي بقى كنتي بتعيطي ليه من شوية ؟
فجر : خبطت في واحد وقالي إنتي عامية مش بتشوفي
حور بإستغراب : هو دا السبب؟
فجر : ايوه .. بصي هو سبب تافه شوية بس وجعني حسيت بالإهانة
حور بتريقة : يا بنتي اجمدي كدا مش كل الي يقولك كلمة تعيطي ! احنا في غابة لازم تبقي قوية علشان تقدري تعيشي فيها .
تنهدت فجر ولم تجب حتى دخل عليهم عادل ..
فجر بإبتسامة : خير حضرتك الآنسة كويسة صح ؟
عادل : أيوه بس كنت عاوز منك تيجي تتابعي معها في البيت
نظرت فجر لحور ولم تعلم ماذا تجب ..
فجر : آسفة مش هعرف
عادل : ليه اي المشكلة ؟
فجر : اسباب خاصة ،وكمان أنا لسة مش اتخرجت ممكن تجيب حد عنده خبره
عادل : لا إحنا عاوزينك انتي ومن ناحية الفلوس اطمني هديكي الي إنتي عوزاه
فجر : المشكلة مش مشكلة فلوس ابدا والله
عادل : آمال إيه ؟
حور وهي تنهض : هستأذن أنا واسيبكو
غادرت حور فأكملت فجر
: أنا عايشة أنا ووالدتي لوحدنا فعلشان كدا بتخاف أتأخر بره وكدا وعلشان كلام الناس بردو
عادل بتفهم : فاهمك بس مش هنأخر شوفي المواعيد إلي تناسبك واحنا موافقين والسواق بتاعي هيجيبك ويوديكي
فجر بإستغراب : ممكن أسأل سؤال ؟
عادل : اتفضلي
فجر : فيه كتير غيري ومتخرجين وعندهم خبره كمان ليه أنا؟
عادل : علشان رهف ارتاحتلك وعوزاكي ودي نادرا لما بتحب حد وكمان أنا شايف انك الوحيدة إلي هتقدري تتقألمي معها
فجر بإبتسامة : ربنا يخليهالك وأنا موافقة على عرض حضرتك
عادل وهو ينهض : على خيرة الله .
كان عادل في طريقه إلى القصر ليقابل تلك الضيفة ويحضر بعض الثياب أيضا لابنته.
كان جالس في سيارته خلف السائق الخاص به
عادل لنفسه : ياه يا عادل فات كتير أوي على إلي حصل زمان وبردو لسة مأثر عليك ظلمت ناس كتير ودلوقتي جيه وقت انك ترجع لربنا وترجع الحق لأصحابه ..لازم ترجعو مش يمكن إلي كان هيجرى لبنتك دا من ذنوبك ..
ثم نظر لسماء :يارب سامحني على كل إلي فات أنا هصلح كل حاجة بس إلا بنتي يارب أنا مليش غيرها
ثم أغمض عينه وفاق على صوت سائقه : وصلنا يابيه
هبط عادل من سيارته ودخل قصره وهو يأخذ عهداً على نفذه أنه سيصلح كل شيء أفسده من سنوات ..
كانت جالسة تفرك يداها من شدة توترها فهي لا تعلم ما ردة فعل ذالك الرجل التي يدعى عمها ، رأت رجل يأتي من بعيد ويبدو عليه الهيبه والوقار وخلفه رجلين يشبهان الواقفين على البوابة فعلت أن ذلك الرجل هو حتما عمها .
اقترب عادل في صمت دون تحدث ثم أشار لحراسه بالذهاب ..
جوري بتوتر وخوف : إنت عادل العمري؟
عادل : إنتي بنت سامي ؟
أمأت جوري برأسها ثم قالت بأسى :اه ربنا يرحمه
عادل بصدمة : اتوفى !
جوري بدموع : اول امبارح
عادل وهو يجلس على الأريكة بحزن : ليه ؟ ليه دلوقتي أنا كنت ناوي ارجعلو حقو؟ مات أكيد وهو زعلان مني
جوري بإستغراب : زعلان منك ليه ؟
عادل بحزن : علشان حرمتو من الورث زمان
جوري بإستغراب : بابا مجبليش سيرة الموضوع دا بس اكيد هومش زعلان منك
عادل بدموع : اكيد زعلان وبيكرهني ..اكيد
جوري : لو بيكرهك مكنش قالي اجيلك ..
عادل : هو قلك ايه بالضبط
جوري : هو عمري ما جبلي سيرتك بس يوم ما مات قالي عليك واداني عنوانك وقالي اجيلك بس
ثم صمتت أتذكرها شيء ما
جوري وهي تخرج شيء من حقيبتها : قالي ابقى اديك الجواب دا ..
عادل وهو يأخذه بلهفة : هاتيه
أخذ عادل الجواب وبدأ في قرأته وكان يحتوي على
"اذيك عادل أنا عارف إن لما الجواب دا يوصلك أنا هكون مت ،انا عاوز بس اقولك إن إلي حصل زمان دا مكنش بإيدي أنا كل إلي كان هاممني سعادتها علشان كدا ساعدتها ،انا كل الي طلبو منك دلوقتي تسامحني وتدعيلي وتخلي بالك من جوري بنتي لأن مكنش ليها غيري خلي بالك منها يعادل علشان غيري "
ملئت دموع عادل المنديل ثم نظر لتلك التي تنظر له بإستغراب من دموعه : أنا آسف يابنتي
ثم إحنضنها : اوعدك انك من انهاردة هتبقي انتي ورهف واحد عندي
جوري بإبتسامة: رهف دي بنتك ؟
عادل : ايوه ..من انهاردة كل حاجة تتمنيها هتبقى عندك
جوري : بس أنا مش محتاجة حاجة
عادل : دا حقك أنا كلتو على أبوكي زمان ودلوقتي لازم يرجعلك..من بكرة هتنزلي تدربي في الشركة ولما تتعلمي هرجعلك حقك كلو
جوري : بجد مش عارفه اقولك ايه؟
عادل : متقوليش حاجة بس ادعيلي انو يبقى مسامحني
جوري : إنشاء الله هيكون مسامحك
عادل ' يارب يالا بقى علشان اويكي اوضتك
ذهبت جوري خلف عادل فدخلوا إلى أحد الغرف
عادل : دي اوضتك مؤقتا لحد ما اجهزلك الأوضة بتاعتك
جوري : شكرا لحضرتك
عادل : شكرا ايه أنا من انهاردة زي أبوكي بالضبط وربنا يقدرني واقدر اعوض مكانو .. أنا هسيبك ترتاحي بقى انهاردة وجهزي نفسك بكرة بدري
جوري : حاضر
خرج عادل من الغرفة وترك تلك المبهورة بالغرفة وجمالها
#يتبع
#گ: ولاء محمد ثابت"لولي"
