رواية "أنين ملائكي"
البارت السابع
في الصباح وصلت فجر إلى القصر وذهبت إلى غرفة رهف واستغربت كثيرا عندما وجدتها كما تركتها بالأمس لم تتحرك من مكانها بل تنظر لسقف فقط
فجر بإبتسامة : صباح الخير
رهف بإبتسامة باهتة : مورننج يفجر ادخلي
فجر وهي تغلق الباب : إيه يارهف مالك ؟
رهف : مفيش ..بكرة كتب كتابي
فجر بفرحة : بجد ألف ألف مبروك بس...هو إنتي مخطوبة أصلا؟
رهف : لهشام
فجر: اه ربنا يتمملك على خير ياحبيبتي بس مالك مش مبسوطة كدا
رهف : بصراحة أنا..
فجر : إنتي إيه اكلمي قولي إلي في قلبك
رهف : أنا حاسة إني خايفة مش مطمنة مش عارفه ليه
فجر : إنشاء الله خير بدل انتو بتحبو بعض خلاص مفيش حاجة هتقدر تأذيكو
أمأت رهف رأسها بحسرة فليت فجر تعلم حقيقة الأمر لكانت هونت عليها كثيراً..
رهف : انتي عارفة يا فجر أنا ليا صحاب كتير أوي بس أنتي الوحيدة إلي ارتاحتلك بسرعة وحبيتك أوي
فجر بإبتسامة : وأنا كمان والله لدرجة ماما نفسها تشوفك من كتر إلي حكتهولها عنك
رهف : طب ما تجيبيها أشوفها
فجر: للأسف مش هقدر تيجي هي صحتها على قدها وكدا فمبتخرجش من البيت
رهف : خلاص وديني ليها
فجر : بس انتي لسة تعبانة؟
رهف : مين قال كدا أنا كويسة ومش حاسة بأي تعب
فجر بتردد : بس..
رهف : بس ايه ؟مش عوزاني اجيلكو ولا إيه؟
فجر : لا طبعا دا شرف لينا طبعا بس احنا ساكنين يعني في منطقة شعبية فممكن والدك ميوافقش
رهف : هكلمو أنا اقتنعوا
فجر : ماشي هقوم أكلم ماما اعرفها تكوني كلمتيه
قامت رهف بالإتصال بوالدها وإخباره
عادل : بس انتي تعبانة يا رهف
رهف : لايابابا أنا بقيت كويسة وبعدين فجر معايا علشان لو حصل اي حاجة
عادل : امري لله بس السواق يبقى معاكو متسوقيش انتي ومتبقيش تتأخري
رهف بفرحة : حاضر
بعد نصف ساعة كانت رهف تجلس خلف السائق وبجانبها فجر
رهف : إنتي عايشة انتي ومامتك ومين ؟
فجر :بس مفيش معانا حد تاني
رهف : ووالدك؟
فجر بحزن : اتوفى من زمان قبل ما اتولد
رهف : ربنا يرحمه أنا آسفة إني فكرتك بيه
فجر : لا عادي
رهف : معندكيش اخوات
فجر : لا
رهف : زي يعني
فجر بضحك : بالظبط
بعد دقائق وقف السائق فنظرت فجر من السيارة ثم قالت : ايوه هو دا الشارع ..انزلي يالا يارهف بس على مهلك
هبطت رهف من السيارة ثم أخذت تنظر إلى تلك الحارة الشعبية ذو البيوت القديمة والأناس المتوسطين الحال الذي يقف بعضهم مع بعض والبعض الآخر يسير كل منهم إلى وجهته والأطفال الصغار الذين يلعبون معا بفرحة جعلتها تشرد بعيدا فهي لم تحظى يوما بفرحة مثل هذه على الرغم من أنها كانت تملك كل شيء
فجر : رهف
رهف : ها بتقولي حاجة ؟
فجر : أنا بقالي ساعة بكلمك وانتي ولاانتي هناا
رهف : سرحت شوية ..هو البيت نهو؟
فجر : تعالي معايا
دخلت فجر إحدى الأبنية المتهالكة وصعدت ذلك السلم الغير أمن لشروخ جداره ثم وقفت أمام إحدى الأبواب وطرقت عليه ..
فتحت سيدة يبدو عليها أنها في بداية عقدها الأربعون
سميرة بترحاب: أهلا أهلا ياحبيبتي إحنا زارنا النبي
ثم احتضنتها
رهف بإبتسامة: اتشرفت بمعرفتك ياطنط
سميرة بفرحة : الشرف ليا أنا ياحبيبتي مشاء الله عليكي زي القمر أحلى من إلي فجر حكتهولي ..تعالي اتفضلي
رهف وهي تجلس على الأريكة : أنا آسفة إني جيت فجأة كدا من غير مااقولك قبلها
سميرة : لا آسفة إيه أنا كدا أزعل داانتي نورتينا والله دا لو مشلتكيش الأرض نشيك فوق راسنا
رهف بإرتياح لتلك السيدة الحنونة : كلك ذوق والله يا طنط
سميرة : خوديها يا فجر واقعدو سوى في اوضتك عما أحضر السفرة
رهف : لا ملوش لازمة يا طنط أنا كنت جاية اتعرف عليكي وماشية على طول
سميرة : يادي العيبة اكمننا يعني مش قد المقام
رهف : لا ابدا بس علشان متتعبيش نفسك
سميرة : لا تعب ولا حاجة ياحبيبتي قومي يالا مع فجر على أوضتها ..
كانت جوري في مكتبها تباشر عملها حينما دخل عليها وجهه تبغضه كثيرا
جوري بحنق : إنتَ؟
هشام بصدمة : هو إنتي ؟
جوري : إنت بتعمل ايه هنا ؟
هشام : أنا إلي المفروض اسئلك ثم قال بصوت عالي : منى يا مني
لتأتي منى مسرعة : نعم يا هشام بيه
هشام : إيه إلي جاب الأشكال دي هنا
منى :حضرتها تبقى ..
لتسبقها جوري بالرد : أنا المسئولة عن إدارة الشركة
ليضحك هشام بصوت عالي : بتهزري صح هو عادل بيه كان فين وإنتي بتتعيني؟
لم تجب جوري ولكن نظرت لمنى : روحي إنتي يا مني
غادرت منى وجلست جوري : التعين بالشطارة والاجتهاد مش بالشكل حضرتك
هشام : انتي شكلك مش عارفة بتكلمي مين؟
جوري : حضرتك تطلع مين بقى أنا فاكرة إنك قولتيلي قبل كدا بس للأسف معرفتكش ..
هشام : أنا هشام السيوفي
جوري : تطلع ايه بقى ولا شغال ايه ؟
هشام بغضب : أنا ابن رجل الأعمال حاتم السيوفي
جوري: دا أبوك أنا عايزة اعرف انت بقى شغلتك إيه ولا لازمتك ايه في الحياة ؟
هشام : إنتي إزاي تكلميني كدا أنا بإشارة واحدة مني ممكن ارفدك..
جوري: وايه إلي مانعك ؟
هشام: بقى كدا ؟ماشي هتشوفي أنا هعمل ايه..
ثم تركها وغادر أما هي فأرجعت رأسها للوراء واستندت على كرسيها المتحرك وأخذت تبكي في صمت
#يتبع
#گ: ولاء محمد ثابت لولي
