The main power 💙❤️ || (Complete)

04

ජන්ග්කුක්ව පැසෙන්ජර් ශීට් එකෙන් තියන්න ගිය ටේහ්‍යුන් දැක්කේ කලින් ජන්ග්කුක්ගේ ලේවලින් තෙත් වී තිබූ ශීට් එකේ කිසිම ලේ පැල්ලමක් දැන් නෑ කියලා. මේ සේරම සිද්දි ටේහ්‍යුන් ඔලුවට දාගත්තේ ඒ ගැන නිදහසෙ කල්පනා කරන්න කියලා හිතාගෙන. මොකද එයාට හොඳටම විශ්වාසයි කලින් වුනු අනතුර ඇත්තටම සිද්ද වුනු දෙයක් මිසක් එයාගෙ හිතේ මැවුනු දෙයක් නෙමේ කියලා. කිසිම හේතුවක් නැතුව මොකටද එයාට ඒ විදිහේ අනතුරක් ඒ වෙලාවෙ මැවෙන්නෙ? අන්න ඒ ප්‍රශ්නෙ එයාගෙන්ම අහගත්ත ටේහ්‍යුන්ට රෝහලේදිම අවබෝධ වුනා එයාට කිසිම මානසික රෝගයක් නෑ කියලත් මෙතන එයා නොදන්න අත්භූත යමක් සිද්ද වෙන බවත්.

ජන්ග්කුක්ට ශීට් බෙල්ට් එකත් දාලා රියදුරු අසුනට ගිය ටේහ්‍යුන් එයාගෙ මන්දිරයට රථය පදවන් ගියා. අනතුර සිදු වුනු තැනට ළං වුනහම එතනින් කාර් එක නවත්තපු ටේහ්‍යුන් කාර් එකෙන් බැහැලා එතන පරික්ශා කරන්න ගියා. එයා බලාපොරොත්තු වුනු විදිහටම එතනත් කිසිම ලේ පැල්ලමක් තිබුනෙ නෑ. ටිකක් එහායින් වැටිලා තිබුනු සයිඩ් බෑග් එක දැක්ක ටේහ්‍යුන් ඒකත් අහුල ගෙන කාර් එකට ගියේ ඒ බෑග් එක අනිවාර්යයෙන්ම ජන්ග්කුක්ගේ වෙන්නැති කියලා අවබෝධ වුනු නිසා.

ආයිත් කාර් එකට නැග්ග ටේහ්‍යුන් එයාගෙ මන්දිරයට රථය පදවන් ගියා. මන්දිරයේ දොර ගාවම කාර් එක නවත්තපු ටේහ්‍යුන් හුස්මක් හෙළුවා. එයාගෙ ශීට් බෙල්ට් එක ගලවපු ටේහ්‍යුන් ජන්ග්කුක්ගෙ ශීට් බෙල්ට් එකත් ගැලෙව්වා. එයා කාර් එකෙන් බහින්න දොර අරින්න හදනකොට දෙයක් මතක් වුනු නිසා තවමත් සිහි නැතුව ඉන්න ජන්ග්කුක් දිහා ආයිත් හැරිලා බැලුවා.

"කෙනෙක්ට මෙච්චර වෙලා සිහිය නැතුව ඉන්න පුලුවන්ද? ජින් කිව්වෙ ඉක්මනට සිහිය එයි කියලනෙ. බොරුවටද දන්නෑ සිහිය නෑ වගේ ඉන්නෙ. මං කියලා දැනගෙන වන්දියක්වත් ඉල්ලන්නද දන්නෑ බොරුවට රඟපාන්නෙ. කතා කරලා බලන්න ඕනෙ." තනියම හිතුව ටේහ්‍යුන් ජන්ග්කුක්ගේ උරිස්සට අත තියලා හොල්ලන්න පටන් ගත්තා.

"ඒයි! ඒයි නැගිටිනවා! මං දන්නවා තමුන් ඔය බොරුවට ඉන්නෙ කියලා. මං ඉල්ලන ගානක් දෙන්නම් ප්ලීස් නැගිටලා ඇඩ්‍රස් එක කියන්න. මං දැන්ම ඔයාව ගෙදරටම ඇරලවන්නම් ප්ලීස්." ටේහ්‍යුන් දිගටම ජන්ග්කුක්ව හෙල්ලුවත් ඇත්තටම සිහිය නැතුව ඉන්න ජන්ග්කුක්ගෙන් නම් කිසිම ප්‍රතිචාරයක් ලැබුනෙ නෑ.