"හොඳයි, කලින් කිව්වා වගේ මෝ රාජධානිය කියන්නෙ සමාන්තර ලෝකයක්. ඒකෙ පැවැත්ම රඳා පැවතිලා තිබුනෙ මාණික්ය දෙකක් මත. ඒ නීල මාණික්යයි රක්ත මාණික්යයි. ඒ මාණික්ය දෙක තිබුනේ පාශානමය විදිහට, මායමය බන්ධනයක් කරපු ආරක්ෂිත කොපුවක බහාලලා. මේ මාණික්ය දෙක නැතුව අපේ රාජධානියට පැවැත්මක් නෑ." ජීසු කිව්වේ කතාවට මුල පුරමින්. ටේහ්යුන් යමක් මතක් කරන්න වගේ ඇස් දෙක පියාගෙන නළල රැලි කරගත්තා.
"වැදගත්ම දේ මේ මාණික්ය දෙකේම එකතුවේ බලයෙන් තමා රාජධානිය පවතින්නෙ. මාණික්ය දෙක වෙන් වුනොත් රාජධානිය අඳුර ගිල ගන්නවා." ජීසු දිගටම කතාව කරගෙන ගියා.
"ඉතින් මේ සේරම පටන් ගත්ත තැන මං කියන්නම්. මේ සේරම පටන් ගත්තෙ අවුරුදු 22 කට කලින්. නෑ.. ඇත්තම කිව්වොත් මේකේ මූලාරම්භය ඊට ගොඩක් කලින්." කිව්ව ජීසු දුකින් හුස්මක් හෙළුවේ අතීතයේ සිදුවීම් නැවත මතක් වුනු නිසා. මේ කිසිම දෙයක් නොදන්න ටේහ්යුන් ජන්ග්කුක් දෙන්නා හැර අනිත් තුන් දෙනත් දුකින් හුස්මක් හෙළුවා.
"මාණික්ය දෙකේ බලයෙන් රාජධානිය පැවතුනත් රාජධානියක් පාලනය කරන්න මාණික්ය දෙකකට බෑ. මෝ රාජධානියෙත් පුරවැසියෝ ඉන්නවා. එයාලව හඳුන්වන්නෙ මෝවිවරු කියලා. එයාලව පාලනය කරන්න අධිරාජ්යයෙක් හිටියා. එයා තමා නීත්යානුකූලව මාණික්ය දෙකේම ආරක්ෂකයා. ආරක්ෂකයව පත් වුනේ පරම්පරාවෙන් පරම්පරාවට. අන්තිමට හිටපු මෝ අධිරාජ්යයයා තමා ටේහ්යුන්ගේ සීයා." ජීසු කිව්වම ටේහ්යුන්ගේ වගේම ජන්ග්කුක්ගෙත් ඇස් උඩ ගියා.
"මොකක්?! ද්-දැන් කියන්නෙපා මාත් සමාන්තර ලෝකෙකට අයිති කෙනෙක් කියලා නම්." ටේහ්යුන් කිව්වම ජීසු එයා දිහා බලලා හිනා වුනා.
"ඔව් ටේහ්යුන්, ඔයත් මෝවිවරයෙක්. ඔයාව පෘථිවියට සම්බන්ධ උනු විදිහ මං කියන්නම්." ජීසු කිව්වම ජන්ග්කුක් පුදුමයෙන් ටේහ්යුන් දිහා බැලුවා.
"වොහ්! ඔයාගෙ ෆෑන්ස්ලා ඔයා මේ ලෝකෙ කෙනෙක් නම් නෙමෙයි ඒලියන් කෙනෙක් කියන කතාව අන්තිමේදි කොහොමහරි ඇත්ත උනා එහෙනම්." ජන්ග්කුක් හිනා වෙවී කිව්වම ටේහ්යුන් එයා දිහා බලලා මූන හකුල ගත්තා.
YOU ARE READING
The main power 💙❤️ || (Complete)
Fanfictionමෝ රාජධානිය නම් පෘථිවි ස්ථරයෙන් එපිට තිබූ වෙනම සමාන්තර ලොවක පවතින බලගතු මාණික්යන් දෙකක්. නීල මාණික්ය හා රක්ත මාණික්ය ලෙස හඳුන්වන මෙම මාණික්යන් දෙකේ බලයෙන් පමණක් පවතින මෙම සමාන්තර ලෝකය එක් බල ලෝභී දේශද්රෝහියෙක් නිසා විනාශ වී යන්නේ බලගතු මාණික්ය...
