The main power 💙❤️ || (Complete)

35

විවාහ ගිවිස ගත් අලුත් ජෝඩුවගේ තවත් එක් උදෑසනක් තමයි මේ. අද ටේහ්‍යුන් ගෙදර ඉඳන් වැඩ කරන්න තීරණය කරලා තිබුනා. එයා හිටියේ ජන්ග්කුක්ව අල්ල ගන්න මාන බලමින්. ජන්ග්කුක් ටේහ්‍යුන්ව අවුස්සලා teleport power එකෙන් සැනෙන් අතුරුදහන් වුනේ හිනා වීගෙනමයි.

"ජියොන් ජන්ග්කුක්!!" ටේහ්‍යුන් විසිත්ත කාමරේට ගියේ ජන්ග්කුක් එහෙවත් ඉන්නවද බලන්න. පිටිපස්සෙන් නිල් පාට එළියක් විහිදෙනවත් එක්කම ටේහ්‍යුන් පිටිපස්ස හැරුනම ජන්ග්කුක් බනී හිනාවෙන් හිනා වීගෙන හිටියා. ටේහ්‍යුන් එයා ගාවට ළං වෙන්න හැදුවත් ආයිත් teleport power එකෙන් අතුරුදහන් වුනු ජන්ග්කුක් එයාගෙ එහා පැත්තෙන් මතු වුනා.

"Brat!!" කෑගැහුව ටේහ්‍යුන් ඊළඟට හොඳ අවධානෙන් හිටියත් ජන්ග්කුක් දිගටම එයාට විහිළු කරමින් අතුරුදහන් වෙලා ආයිත් එකේක තැන් වලින් මතුවුනා.

හුස්මක් හෙළපු ටේහ්‍යුන් එයාගෙ රතු පාට superpower එක එළියට අරගෙන එක් දිහාවකට යැව්වම කෑගැහීමක් එක්ක ජන්ග්කුක් එතන මතු වුනා.

"ඒක හරිම අසධාරණයි!!" ජන්ග්කුක් කෑගැහුවා.

"ආ එතකොට ඔයා මට කරපු එක සාධාරණද?" ටේහ්‍යුන් අහලා ළඟට එන්න හැදුවත් ජන්ග්කුක් එතන තිබුනු විශාල මල් පෝච්චිය තනි අතින් උස්සලා ටේහ්‍යුන් දිහාවට විසි කරහම එයාගෙ වටිනා මල් පෝච්චිය පියාඹගෙන එයා දිහාවට එනවා දැකලා ටේහ්‍යුන්ට තව පොඩ්ඩෙන් හාට් ඇටෑක් හැදෙනවා. මල් පෝච්චියෙන් බේරෙන්න ක්ෂණිකයෙන් එතනින් අතුරුවහන් වුනු එයා වෙන තැනකින් මතු වෙලා මල් පෝච්චිය බිමට වැටෙන්න කලින් එයාගෙ අත දික් කරලා එයාගෙ බලෙන් ඒක අහසෙ රඳවගත්තේ නූලෙන්. එයා වේගෙන් හුස්ම ගනිමින් ඇස් දෙක පියා ගත්තා.

"මේක බිඳුනා නම් ඔයා අද ඉවරයි තඩි හාවො!" ටේහ්‍යුන් කිව්වේ හිනා වෙමින් බලන් ඉන්න ජන්ග්කුක්ට.

"මං දන්නවා ඔයා ඕක බිඳෙන්න දෙන්නෑ කියලා." ජන්ග්කුක් කිව්වම ටේහ්‍යුන් පරිස්සමින් විශාල මල්පෝච්චිය බිමින් තියලා ජන්ග්කුක් ගාවට දුවන්න හැදුවත් ජන්ග්කුක් ඊටකලින් පසු නොබලා දුවන්න පටන් ගත්තා. ඊටපස්සෙ ටේහ්‍යුන් නැවතුනා.