The main power 💙❤️ || (Complete)

11

එකපාරට සිදු වුනු දෙයින් ජන්ගුක්ගේ ඇස් ලොකු වුනා. ඒත් ටේහ්‍යුන් එයාගෙ තොල් එක්ක සෙල්ලම් කරන විදිහට මත් වුනු ජන්ග්කුක් නොදැනීම ඇස් දෙක පියාගත්තේ ඒ හැඟීම විඳින්න. සිප ගන්න එක මෙච්චර පුදුමාකාර දෙයක්ද? ජන්ග්කුක්ට දැනුනේ ඒ හැඟීම් නිසා එයා පාවෙනවා කියලා. එයාට ටේහ්‍යුන්ව එයාගෙන් ඈතට තල්ලු කරන්න ඕනෙ වුනා. ඒත් නෑ.. එයාගෙ අත් දෙක විතරක් නෙමෙයි මුලු ශරීරයම ඒ මායාමය සිප ගැනීමට අවනත වෙලා මත් වෙලා හිටියේ. එයාටත් ටේහ්‍යුන්ගේ තොල් වල රස බලමින් ඒ හාදුවට ප්‍රතිචාර දක්වන්න ඕන කම තිබුනත් ඒ දේ කරන්නෙ කොහොමද කියලා නොදන්න ජන්ග්කුක් ටේහ්‍යුන්ට ඉඩ දීලා දැනෙන වින්දනය උපරිමයෙන් විඳිමින් හිටියා.

මේ අතරේ ටේහ්‍යුන් ජන්ග්කුක් කියවන එක නවත්තන්නත් ජන්ග්කුක්ට ඇත්ත තේරුම් කරන්නත් ඕන නිසා ජන්ග්කුක්ගේ තොල් අල්ලගත්තත්, අල්ලගත්ත ඒ තොල් වලින් ඈත් වෙන්න අකමැත්තෙන් එයාගෙ මනසත් එක්ක පොර බදිමින් හිටියා. ඇත්ත තේරුම් කරන්න කිව්වේ? ඇත්ත තමයි එයාට ඕන වුනා ජන්ග්කුක්ට තේරුම් කරන්න එයාගෙ හැඟීම්. එයා ජන්ග්කුක්ට කැමතියි කියන ඇත්ත තේරුම් කරන්නයි ජන්ග්කුක්ව සිප ගන්න හිතුවෙ, ඒකට අනිත් කෙනාගෙන් කොයි විදිහේ ප්‍රතිචාරයක් ලැබෙයිද කියන දෙගිඩියාව තිබුනත්.

ඒත් මේ සිප ගැනීම එයාව වෙනම ලෝකෙකට අරන් ගිහින්. ජන්ග්කුක්ගේ තොල් වල රසට එයා ඇබ්බැහි වෙලා, මත් වෙලා. එයා ඇස් දෙක පියාගෙන ඒ අපූරු හැඟීම් වින්දා. කවුරුත් නැති මඳ අඳුරක් ඇති පාලු පාරේ දෙන්නම එකිනෙකාගෙ ලෝකෙ අතරමං වෙලා හිටියා. ඇස් දෙක පියාගෙන හිටපු දෙන්නම දැක්කෙ නෑ එයාලගෙ ශරීර වල සිදුවෙමින් පැවතුනු වෙනස් වීම. හුස්ම හිරවෙනවා වගේ තේරුන නිසා ජන්ග්කුක් ටේහ්‍යුන්ගේ උරිස්සට තට්ටු කරහම අන්‍තිමේදි ටේහ්‍යුන් ජන්ග්කුක්ගේ තොල් අත ඇරියා. වේගෙන් හුස්ම ගනිමින් දෙන්නම හිමින් හිමින් ඇස් ඇරියම එකිනෙකා දිහා බලපු දෙන්නම අඩි ගානක් පිටිපස්සට ගියේ දැක්ක දර්ශනයෙන් වුනු කම්පනය නිසා.