The main power 💙❤️ || (Complete)

15

ඒ වගේම තව දෙන්නෙක්ටත් ඒ දේ හිතා ගන්න බැරුව ඒ දෙන්නා දිහා තියුනු ඇසින් බලාගෙන හිටියා. ඔව් ඒ එක්කෙනෙක් ජිමින්, එතකොට අනිත් කෙනා...

යුන්ගි.

ගෙවුනු සති කීපයේම යුන්ගිත් ජිමිනුත් අතර සිදු වන දේවල් වේගෙන් සිදු වෙමින් තිබුනා. යුන්ගිට ජිමින්ව ඩේට් එකකට එක්ක යන්න ලොකු උවමනාවක් තිබුනත් ජිමින් හිටියේ තවමත් දෙගිඩියාවකින්. ඉතින් දවස් ගනනක උත්සාහයකින් පස්සෙ ජිමින් අන්තිමේදි හිස වැනුවේ යුන්ගි එක්ක ඩේට් එකකට යන එක වැරැද්දක් නෙමෙයි කියලා හිතමින්. ඔක්කොටම කලින් එයාටත් තේරුනා යුන්ගි ගැන එයාගෙ හිතෙත් පුංචි කැමැත්තක් තියෙනවා කියලා. එයාගෙ යාලුවො එයාට විහිළු කරන්නෙ නිකන් නෙමෙයි කියලා එයාටම තේරුනා.

ඉතින් අන්න ඒ විදිහට තමයි යුන්ගිත් ජිමිනුත් ඒ අවන්හලේම evening date එකකට ආවෙ. ඒත් ජන්ග්කුක්වත්, ආහාර ගන්න ඕන නිසා මාස්ක් එක ගළවපු ටේහ්‍යුන්වත් අහම්බෙන් දැක්ක මේ දෙන්නට ඒ දෙන්නගෙ ඩේට් එක අමතක වෙලා නළලත් රැළි කරන් ව්‍යාකූල ටේහ්‍යුන් ජන්ග්කුක් දෙන්නගෙ හැසිරීම් දිහා බලන් හිටියා.

යුන්ගිගේ අවධානයත් ඒ දෙන්නට කියලා දැක්ක ජිමින් කතා කරන්න පටන් ගත්තේ ටේහ්‍යුන් ජන්ග්කුක් දෙන්නා අතර එයා නොදන්න දෙයක් සිද්ද දෙනවද කියලා යුන්ගිගෙන් දැනගන්න හිතාගෙන.

"ම්ම්ම්.. සර්? ඒ මිස්ටර් කිම් නේද? මං අහලා තියෙනවා එයා ඔයාගෙ හොඳම යාලුවා කියලා." ජිමින් කිව්වම යුන්ගි පියවි ලෝකෙට ආවා.

"අ-ආ? ඔ-ඔව්. මගෙ යාළුවා තමයි. මට සර් කියලා කතාකරන්න එපා කියලා මං කිව්වනෙ ජිමින්. මට යුන්ගි කියන්න." යුන්ගි කිව්වා.

"ම-මට තාම ඒක හුරු නෑ." ජිමින් යන්තන් හිනා වෙලා කිව්වා.

"අර එයා එක්ක ඉන්නෙ එයාගෙ බෝයිෆ්‍රෙන්ඩ්ද?" ජිමින් ආයිත් ඇහුවම යුන්ගිගෙ අවධානය ආයිත් ඈත කෙළවරේ මේසෙට යොමු වුනා.

"මං දන්නෑ. එයාට බෝයිෆ්‍රෙන්ඩ් කෙනෙක් ඉන්නවා කියලා මට කියලා නෑ."

"ඔහ් එහෙමද?"

"හ්ම්ම්.. ඇයි ඒ ගැන ඇහුවෙ?" යුන්ගි ඇහුවා.