လုံးညီနောင်တို့ချစ်ပုံပြင် (BL)(OC)
အပိုင်း (၂)လူနေစည်ကားလှသည့် အိမ်ယာတိုက်ခန်းတစ်ခုအောက်၌ ပိုင်သက်တစ်ယောက်စက္ကူပုံးတွေနှင့်အလုပ်ရှုပ်နေလေသည်။ အထုပ်အပိုးတွေနဲ့မနိုင်မနင်းဖြစ်နေတဲ့သူ့ကို တစ်ဖက်တိုက်ကTaxiသမားကကြည့်မနေနိုင်တော့ဘဲ အနားကပ်ကာပြောလာလေသည်။
"ငါ့ညီ အထုပ်အပိုးတွေနဲ့ဘယ်သွားမလို့တုန်း"
"အဆောင်ပြောင်းမလို့ပါဗျာ"
"မင်းကဒီတိုက်ကအခန်းဝယ်ထားတာမလား"
"ဟုတ်တယ် ဒါပေမယ့်ရုံးနဲ့ဝေးလို့ပြောင်းမလို့"
"ဪ"
ဪ ဟုဆိုကာအနားကထွက်မသွားသေးတဲ့Taxi ဆရာသမားကိုပိုင်သက်ထပ်မေးလိုက်သည်။
"အကိုကားထွက်မဆွဲသေးဘူးလား ဘာလို့ရပ်နေသေးတာလဲ"
"မင်းကားငှားမလားလို့စောင့်နေတာလေ"
"sorryဗျာ ကျွန်တော်ကလမ်းထိပ်ကရေသန့်ကားနဲ့လိုက်မလို့ဗျ"
"ဘယ်လို?"
"လမ်းကြုံလို့ ဟဲဟဲ"
"ဒါကြောင့်မင်းကိုကပ်စေးနှဲလို့ခေါ်ကြတာကိုး ဒါကြောင့်ကိုး..."
သူ့ဘာသာတစ်ယောက်တည်းပြောရင်းထွက်သွားတဲ့ကားသမားနောက်ကျောကိုကြည့်ရင်းပိုင်သက်ပြောလိုက်သည်။
"အသိအမှတ်ပြုပေးတာကျေးဇူးပါဗျို့" လို့။
ထို့နောက်မှာတော့ ကျော်စိုးနဲ့သူ့ချစ်သူတို့နှစ်ယောက် Taxiတစ်စီးနဲ့ရောက်လာလေသည်။
"လာရတာလမ်းမှာအဆင်ပြေလားကျော်စိုး"
"ပြေပါတယ် မင်းကအထုပ်အပိုးတွေတောင်ပြင်ပြီးပြီလား"
"အင်းလေ မင်းတို့ကိုသော့ပေးပြီးတာနဲ့ငါ အဆောင်ကိုတစ်ခါတည်းပြောင်းမလို့"
"မင်းကိုဒုက္ခပေးတာအားနာလိုက်တာကွာ ဟဲဟဲ"
"အားနာပေလို့ပဲ ဒါနဲ့ငါ့ကိုမင်းဇနီးလေးနဲ့မိတ်ဆက်ပေးအုန်းလေ"
"ဟုတ်သား မေ ဒါကို့ဘော်ဒါကြီး ပိုင်သက်ရှိုင်းမာန်တဲ့ ဒါကငါ့ဇနီးလေး မေသွယ်ခိုင်တဲ့"
YOU ARE READING
လုံးညီနောင်တို့ချစ်ပုံပြင် (Completed)
Romanceပိုင်သက်ရှိုင်းမာန်လို့ခေါ်တဲ့ အသက်သုံးဆယ်ကျော်လူပျိုကြီးတစ်ယောက်က တစ်နေ့မှာ သူငယ်ချင်းတစ်ယောက်ကိုကူညီဖို့ "ဝလုံး စလုံး မုန့်လုံး"ခေါ်တဲ့ညီအကိုသုံးယောက်ရှိတဲ့အဆောင်ကိုပြောင်းနေခဲ့ပါတယ်။ စရိုက်မတူတဲ့ညီအကိုသုံးယောက်နဲ့ ကပ်စေးနှဲလူပျိုကြီးတို့ဘာဆက်ဖြစ်...