လုံးညီနောင်တို့ချစ်ပုံပြင် (BL)(OC)
အပိုင်း (၁၄)
🎶 စိတ်မဆိုးနဲ့နော် ခွင့်လွှတ်ပါကွယ်...ကိုယ်ရိုင်းနေရင်...🎶
🎶 ကိုယ့်စိတ်ကအရင်ဒီလို မဟုတ်ဘူးကွယ်....
မင်းနဲ့မှပြောင်းလဲကုန်ပြီ...🎶
🎶 အားလုံးလဲငါမယုံနိုင် မင်းလေးကိုဘယ်သူ့မှမပေး မပေးမပေးနိုင်ဘူး..🎶
🎶 မင်းလေးဟာငါ့အသက်ပဲ မင်းလေးဟာငါ့ဘဝပဲ လွန်တယ်လို့မင်းမထင်နဲ့...🎶
ဂျယ်လူးထားတဲ့ဆံပင်ကိုသေသေချာချာပြင်ဆင်နေတဲ့ပိုင်သက်တစ်ယောက် အတော်အူမြူးနေသည်ဆိုရမည်။
မနက်အိပ်ယာနိုးသည်မှစလို့ သီချင်းလေးတညည်းညည်းနဲ့စိတ်လက်ပေါ့ပါးနေသည်မှာအမှန်။
အိပ်ယာနိုးနိုးချင်းတွေးမိသည့်အတွေးက မိမိမှာချစ်သူရှိနေပြီ ဆိုတဲ့အတွေး ။ စားလည်းဒီအတွေးသွားလည်းဒီအတွေးနဲ့မို့ လူပျိုကြီး တစ်ခါမှရည်းစားမထားဖူးသည်မှာ သေချာနေလေပြီ။
ယခုလဲ မှန်ထဲမှာမြင်နေရတဲ့ကိုယ့်ပုံကိုကြည့်ပြီး ပိုင်သက်မှာ ပါးစပ်နားရွက်တက်ချိတ်တော့မတက်ပြုံးပြုံးကြီးဖြစ်လို့နေသည်။ နားမှာတပ်ထားတဲ့နားကပ်ကိုရှေ့ကကြည့်လိုက် ဘေးတိုက်ကြည့်လိုက် လုပ်ရင်း ရုတ်တရပ်ကြီးထရယ်တဲ့သူ့ကိုအခြားသူတွေမြင်သွားရင် ဝက်ရူးပြန်တယ်လို့များတွေးကြမလားမသိ။
ဒီနေ့ပိုင်သက်အတွက်အရေးကြီးနေ့တစ်နေ့ဖြစ်သည်။ သူ့ကိုချောက်ချထားတဲ့ကိစ္စကို သက်သေပြပေးမယ့်သူနဲ့သွားတွေ့ဖို့နဲ့ ထိုကအပြန် ပူပူနွေးနွေးချစ်သူလေးကိုကျောင်းသွားကြိုရန်ပင်။
တစ်ကိုယ်လုံးမွှန်ထူနေအောင် ရေမွှေးပုလင်းကိုမှောက်ချနေတုန်း ကြားလိုက်ရသည်ကဖုန်းအသံ။ ဒါကြောင့် ပိုင်သက်ကြည့်မိတော့ သူ့ရဲ့ယောက်ဖလောင်း ဝလုံးဆီမှဖြစ်နေသည်။
"Hello အကိုအိပ်ယာနိုးပြီလား"
"နိုးတာကြာပြီဝလုံးရဲ့ ကိုယ်ကအခုဝလုံးပေးထားတဲ့အဆက်အသွယ်ကို သွားတွေ့ဖို့တောင်ပြင်ပြီးပြီ"
YOU ARE READING
လုံးညီနောင်တို့ချစ်ပုံပြင် (Completed)
Romanceပိုင်သက်ရှိုင်းမာန်လို့ခေါ်တဲ့ အသက်သုံးဆယ်ကျော်လူပျိုကြီးတစ်ယောက်က တစ်နေ့မှာ သူငယ်ချင်းတစ်ယောက်ကိုကူညီဖို့ "ဝလုံး စလုံး မုန့်လုံး"ခေါ်တဲ့ညီအကိုသုံးယောက်ရှိတဲ့အဆောင်ကိုပြောင်းနေခဲ့ပါတယ်။ စရိုက်မတူတဲ့ညီအကိုသုံးယောက်နဲ့ ကပ်စေးနှဲလူပျိုကြီးတို့ဘာဆက်ဖြစ်...
