လုံးညီနောင်တို့ချစ်ပုံပြင် (BL)(OC)
အပိုင်း (၁၁)
Royal Tiger ကုမ္ပဏီအတွင်းမှာရှိသမျှ ဝန်ထမ်းများအားလုံး အချက်အလက်ကြော်ငြာတီဗီများရှေ့မှာ ရုတ်ရုတ်သဲသဲဖြစ်နေကြသည်။
ထို့အတူ ထုတ်လုပ်ရေးဌာနမှာလဲ ဝန်ထမ်းများတီးတိုးစကားများပြောရင်း တစ်စုံတစ်ရာကိုစောင့်မျှော်နေကြလေသည်။
သိပ်မကြာခင်မှာပဲ သူတို့စောင့်မျှော်နေကြတဲ့သူက အစည်းဝေးခန်းမထဲကနေထွက်လာလေသည်။ ထိုသူကအခြားမဟုတ် ပိုင်သက်ပင်။
ပိုင်သက်မှာ အချက်အလက်ခိုးယူရောင်းချမှုအတွင်း ပါဝင်နေကြောင်း အထက်လူကြီးများကသက်သေများရှာတွေ့ခဲ့ကြသည်။
ဒါကြောင့်ပဲ သူ့ကိုပုံမှန်ရုံးအချိန်ထက်စောကာခေါ်ယူစစ်ဆေးခဲ့ကြခြင်းဖြစ်သည်။
ပိုင်သက်အခန်းထဲကထွက်လာတာနဲ့ ကျော်စိုးကစိတ်ပူစွာပဲအနားရောက်လာကာ မေးလေသည်။
"ပိုင်သက် သူငယ်ချင်း အခြေအနေကောင်းရဲ့လား"
"အကုန်လုံးကငါလုပ်တာဆိုပြီးသက်သေတွေရှာတွေ့ခဲ့ကြတယ် ငါဘယ်လိုမှငြင်းမရဘူး"
"ဘာ! မင်းကဒီကုမ္ပဏီမှာလုပ်သက်လဲကြာပြီ တစ်ခါမှလဲအမှားမလုပ်ခဲ့တာကို ငါရော ဒီကဝန်ထမ်းတွေရောအားလုံးသိတယ် ငါတို့မင်းဘက်ကနေရှိနေမှာ"
ကျော်စိုးကပြောလဲပြော နားထောင်နေကြတဲ့ဝန်ထမ်းတွေဘက်ကိုလဲလက်ညိုးထိုးပြလေသည်။ ဝန်းထမ်းများကလဲ ပိုင်သက်ကို အားတင်းထားဖို့နဲ့အကူအညီပေးမယ်ဆိုပြီး ပြောလာကြသည်။
ပိုင်သက်လဲသိပါသည် တကယ်လုပ်ခဲ့တာကသူမှမဟုတ်တာ။ ဒါပေမဲ့ အရာအားလုံးကကုမ္ပဏီရဲ့ဒါရိုက်တာတွေဆုံးဖြတ်ချက်အပေါ်မူတည်နေသည်မဟုတ်ပါလား။
"ပိုင်သက် မင်းကိုဥက္ကဌတို့ကဘယ်လိုပြောလိုက်ကြလဲ"
"ဒီလိုကွာ..."
လွန်ခဲ့တဲ့တစ်နာလောက်ကဖြစ်သည်။
ပိုင်သက်မှာ ကုမ္ပဏီရဲ့ခေါ်ယူမှုကြောင့် မနက်စောစောစီးစီး အစည်းဝေးခန်းထဲရောက်လို့နေသည်။
YOU ARE READING
လုံးညီနောင်တို့ချစ်ပုံပြင် (Completed)
Romanceပိုင်သက်ရှိုင်းမာန်လို့ခေါ်တဲ့ အသက်သုံးဆယ်ကျော်လူပျိုကြီးတစ်ယောက်က တစ်နေ့မှာ သူငယ်ချင်းတစ်ယောက်ကိုကူညီဖို့ "ဝလုံး စလုံး မုန့်လုံး"ခေါ်တဲ့ညီအကိုသုံးယောက်ရှိတဲ့အဆောင်ကိုပြောင်းနေခဲ့ပါတယ်။ စရိုက်မတူတဲ့ညီအကိုသုံးယောက်နဲ့ ကပ်စေးနှဲလူပျိုကြီးတို့ဘာဆက်ဖြစ်...