လုံးညီနောင်တို့ချစ်ပုံပြင် (BL)(OC)
အပိုင်း (၁၆)
" ဝလုံး မင်းမျက်နှာကို ကိုယ့်ရင်ခွင်ထဲမှာဝှက်ထားမလား "
နေသူရိန်စိုးရဲ့အမေးစကားထွက်ပေါ်လာပြီးတဲ့နောက် ဝလုံးကတစ်ချက်လောက်စဉ်းစားသွားဟန်နဲ့ ငြိမ်သက်သွားပြီး ခနတောင်မဆိုင်းပဲ သူ့ကိုချီထားတဲ့ပိုင်သက်ကိုထုရိုက်လေတော့သည် ။
" ဖယ်စမ်းပါ အောက်ဆင်းတော့မယ် ချပေး "
" ချပေးရမယ်? အခုလား "
ပြန်မေးလာတဲ့နေသူရိန်စိုးမျက်နှာကပြုံးစိပြုံးစိနဲ့မို့ ဝလုံးသူ့ကို ဘာသဘောနဲ့စနောက်နေမှန်းသိတာကြောင့် စိတ်ဆိုးပြီး ဗိုက်ခေါက်လိမ်ဆွဲလေတော့သည် ။
" အား!!! လက်သံပြောင်လိုက်တာဝလုံးရာ "
" အဲ့တာကြောင့်တစ်ခါပြောရင်နားထောင်လိုက်တော့လေ ဖယ်ပေး "
ဗိုက်ခေါက်ကိုနာနာလေးလိမ်ဆွဲပေးတော့မှ လူကိုဆင်းခွင့်ပေးတဲ့လူ့ဂွစာကြီး ။ ခြေထောက်ကသိပ်ပြီးအဆိုးကြီးဖြစ်သွားတာမှ မဟုတ်ပဲ ။ လူတွေရဲ့ အကြည့်ခံပြီးအားနွဲ့ပြရအောင် ဝလုံးလေ အခြားသူမှမဟုတ်တာ ။
ဒါပေမဲ့ အစောနကတုန်းက နေသူရိန်စိုးရဲ့ရင်ခွင်ထဲခနရောက်သွားတုန်း အဲ့လူနှလုံးခုန်သံတွေမြန်နေတာတော့ ဝလုံးသတိထားမိခဲ့တယ် ။
" ဝလုံး အချီမခံချင်ဘူးဆိုရင်လဲ ဒီမှာခနစောင့် ကိုယ်ကားသွားထုတ်လာခဲ့မယ် "
" ရတယ် ကားပါကင်ထိလျှောက်နိုင်တယ် "
" ဝလုံးရာ ဘယ်တစ်ခုမှနားမထောင်ရင်တောင် ဒါတော့နားထောင်ဟုတ်ပြီလား "
ဝလုံးကပေကပ်ကပ်လုပ်နေတော့ နေသူရိန်စိုးက သူ့လက်ကိုအသာဆွဲရင်း ထိုင်စရာရှာပေးပြီးကာမှ ထိုင်နေဖို့အတန်တန်မှာပြီး အပြေးအလွှားကားသွားထုတ်လေရဲ့ ။
ဘယ်သူဌေးက အတွင်းရေးမှူးအတွက် ကားသွားထုတ်ပေးလို့လဲ ။ ပြေးထွက်သွားတဲ့လူ့ဂွစာရဲ့နောက်ကျောကို ဝလုံး ကြည့်နေရင်း ကြည့်ကောင်းလာသလိုလို ။
" ဝလုံးရေ မင်းဘာတွေတွေးနေမိတာတုန်းကွာ..."
ဝလုံးတစ်ယောက် ကိုယ့်ကိုယ်ကိုပြန်စကားပြောနေတုန်း နေသူရိန်စိုးရဲ့ကားကအရှေ့ကိုထိုးစိုက်လာသည် ။ ပြီးနောက်တော့ ဝလုံးထဖို့ နေသူရိန်စိုးကပဲ အပြေးအလွှားရောက်လာပြီး တွဲထူပေးလေသည် ။
YOU ARE READING
လုံးညီနောင်တို့ချစ်ပုံပြင် (Completed)
Romanceပိုင်သက်ရှိုင်းမာန်လို့ခေါ်တဲ့ အသက်သုံးဆယ်ကျော်လူပျိုကြီးတစ်ယောက်က တစ်နေ့မှာ သူငယ်ချင်းတစ်ယောက်ကိုကူညီဖို့ "ဝလုံး စလုံး မုန့်လုံး"ခေါ်တဲ့ညီအကိုသုံးယောက်ရှိတဲ့အဆောင်ကိုပြောင်းနေခဲ့ပါတယ်။ စရိုက်မတူတဲ့ညီအကိုသုံးယောက်နဲ့ ကပ်စေးနှဲလူပျိုကြီးတို့ဘာဆက်ဖြစ်...
