GARIN DAƊI.....!

SHAFI NA TALATIN DA BIYU

{32}

~~~Ban san tsawon lokacin da na ɗauka ina shaƙar baccin wahala ba domin lokacin da na tashi tuni har rana ta fito, a hankali na buɗe idanuwana, ni kaɗaice acikin ɗakin hakan yasa na maida hankali na wurin tunanin yadda zanyi in tashi har in kai kaina bathroom saboda gaba ɗaya ilahirin jijiyoyin jikina sun ɗaure sai uban tsamin jiki da nake fama dashi take na tuno hirarmu da Ƙawalli tun shekarun baya wai taji ance jijiyoyi 40 kuma duk sai an tsinka su, duk da ina fama da kaina hakan bai hanani dariya ba araina ina cewa ai wataƙila ma ni jijiyoyin da Samz ya tsinka sun kai 100 irin wannan azaba haka,

Samu nayi na yunƙura na tashi zaune, nan take idona ya sauka kan jinin da ya fita a jikina daren jiya faca-faca ai ban san lokacin da na ƙwalla ƙara ba wadda saida naji ƙasa na ya amsa sai kuma na fashe da kuka, ƙofa naga ya buɗe ya shigo yana sanye cikin blue black ɗin t shirt da baƙin trouser daga gani fita yayi ya dawo,

"am sorry baby.... Me ya saki kuka?" naji ya faɗa lokacin da yake hawowa kan gadon, da jajayen idona na kalleshi amma bance komai ba sai cije baki da nake yi, shima idanuwansa ne suka sauka kan jinin da na gani wanda shi dama already ya ganshi, kama ni yayi yasa a jikinsa yana rarrashi na amma na kasa yin shiru ni kaina ban san dalilin kuka na ba shin raɗaɗin da nake ji da zugi ko kuma farin cikin na kawo martaba ta inda ya dace, ko kuwa takaicin rabuwa da abin da na jima tare dashi,

"Baby..... Menene abin kuka wai? Dama ba ni kike yiwa tanadi ba?"

Kai na girgiza masa alamar shi nake yiwa,

"ok to ai idan nine farin ciki zaki yi tunda gashi kin bani abina kuma nayi farin ciki.... Kin sani cikin duniyar da ban taɓa zuwanta ba, banma san da ita ba sai jiya, thank you baby... Am grateful"

Duk da naji daɗin kalamansa amma hakan bai sa na daina kukan ba, daƙyar dai ya lallaɓa ni da taimakonsa na shiga toilet, saida na daure na shiga ruwan zafi sosai na gasa ko ina na jikina amma duk da haka jina nake kamar ba daidai ba kai anya mutumin nan aika aikar da yayi min ba sai na dangano da hospital ba? Wallahi jina nake kamar sai an ɗinke ni dan ina jina da banbanci sosai akan yanda nake da,

Wankan tsarki nayi da ruwan ɗumi sannan na fito ina ɗaure da towel har lokacin jikina banji ya gama warwarewa ba daga tsamin da yayi sai dai ya ragu da kaso mai yawa, baya cikin ɗakin dan haka na sake na shirya na saka kayana sannan nayi salla, ina idarwa na koma saman gado na kwanta dan tun kafin infito ya cire bedsheet ɗin yasa wani, ina nan kwance ina tunanin rayuwa da abubuwan da suka faru daren jiya wanda basu da maraba da duniyar mutuwa naji motsin shigowarshi, lumshe idanuwa na nayi har ya ƙaraso kan gadon,

"am soo sorry baby i left you alone..... Muna tare da yayanki ne wai your friend has made a yummy breakfast for us.... Tashi ki gani"

Sai lokacin na buɗe idona ina kallon farantin da yake riƙe dashi sosai abin ya bani mamaki jin wai yaya Abdul hakeem ne ya kawo mana breakfast ɗin da Ƙawalli tayi kuma wai harda zama su yi hira da Samz koda yake naga yayan ya sauko tunda jimawa amma ada kafin auren mu babu wanda ya tsana sama da Samz baki da baki ya faɗa min wai wallahi ya tsani wannan kafirin ɗan iskan saurayin nawa kuma idan ya sake ganina dashi sai ya targaɗa ni, kuma shine yayi kutun kutun ɗin da su Abba suka rabani dashi dan kusan kowa a lokacin kallon ɗan iska yake yiwa samz gani suke kawai yazo ne dan ya gurɓata min rayuwa, ni kaɗai na yarda dashi kuma na san ba ɗan iska bane,

"Baby..... Tashi mana" ya sake faɗa cikin sigar rarrashi da kwantar da murya, a hankali na tashi na zauna ina kallon abincin da ya fara buɗewa, wasu ƴan ƙananan food flasks ne gwanin sha'awa daidai cikin mutum biyu har guda huɗu,

Na farko soyayyiyar awara da ƙwai ne aciki sai ɗayan mai ɗauke da soyayyen dankali da ƙwai, ɗayan kuma sos ce aciki sai na Ƙarshen wanda aka zubo farfesun kayan ciki, ai tunda naga awara naji yawuna ya tsinke ai ni da Ƙawalli mun san ta kan kwaɗayi lokacin da muna yara gaba ɗaya kuɗin mu wurin masu awara take tafiya, ta san ina bala'in son awara shiyasa ta yimin shi kuma oga tayi masa dankali, hannu na miƙa zan ɗauki awarar ya ɗauke, ɓata fuska nayi zanyi masa kuka,