ياليتني لم اخلق

البارت الرابع

ياليتني لم اخلق.... البارت الرابع
الكاتبه شهد علي
..........
........
......
......
..........
...
---------------
عمر / ضجت عليها كلش ف صعدت وسمعت صوت بجيها ردت اطبلها بعدين ترددت ضليت اسمع بس صوت البجي والعتاب لخالتي لحد ما اجتي امي

وفاء/ عمر يمه شسوي هنا
عمر/ يمه خطيه اسمعي بجيها وشلون تعاتب بأمها
وفاء/ اوووف اوووف تعال انطب

ميار/ كاعده ابجي واحجي. يا صوره امي طبت عليه خالتي وعمر
خالتي اجتي حضنتني وني زدت بجي

وفاء/ كافي يروحي كافي
ميار/ شفتي خاله شلون الكل يباوعلي بنضره الشفقه
وفاء/ محد يباوعلج افكس عينه الي يباوعلج بنضره الشفقه يلاا كافي بجي وكومي نروح للسوك نحضر لعرس فرح

ميار/ ماشي
طلعت خالتي وبقه عمر يباوعلي
عمر/ ميار اريد احجي وياج
ميار/ تفضل
عمر/ شوفي ميار محد عاش بالدنيا مرتاح وصدكي ربج راح يعوضج عن كل دمعه نزلتيها صيري قويه ولتخلين احد يأذيج
حجه هذا الكلام وطلع
بس كلامه بقه بعقلي
كمت سبحت لبست البرنص وطلعت لكيت ع الجربايه ثوب كلش حلو لبسته ولبست حجابي ونزلت مبتسمه
جدو اجه بأس راسي ونطاني فلوس علمود اشتري الي ملابس ما قبلت اخذ بس أصر عليه يلاا اخذتهن

فرح / ولجن اسمعن اريدجن طلعن صاكات أحلااا من بنات فليح
ميار/ ههههه منو هذني بنات فليح
سمر/ ولجن هذني بنات عم ابوي هذني حيايه وكلهن اربعه وعشرين ساعه يلبخن بوجهن بس معليج إذا ما نطلع احلااا منهن مايطلع اسمي سمر والله العظيم اغير اسمي
فرح/ يي اسميج فوزيه لو حمديه
ميار/ هههههه
عمر / يلا كومن وكافي تحشن بالعالم
سمر/ ياااا ياخويه هو حنا شحاجين اصلا احنا منحجي ع العالم حرام
عمر / هههه ونتن النسوان ابداااا ما تحجن اصلا نتن خرسات

ميار/ صعدنا بالسياره وخالتي ويانه وسمر وعمر اخذونا الطريق كله يتعاركون ني وفرح كوه كامشين ضحكتنا

عمر/ مشاعري اتجاه ميار مخربطه بس احب اشوفها وضحكتها شي ثاني تخبللل شفتها تضحك ويا اخواتي وهاي سمر ماخلت واحد ما حجت علي كاعدين تتعارك وباوعت بالمرايه ع ميار اشوف وجهه احمر صاير