ياليتني لم اخلق _ البارت الثاني عشر
((بقلم // شهد علي ))
______________
انفتحت الباب وطبت البنيه باوعتلها وكالتلي اني اسمي رسل مسحت ادموعي وابتسمت الها
ميار / اني ميار
رسل / اتشرفت بيج امشي حبوبتي وامي والشيخ يردونج
ميار / كمت وياها ودتني للاستقبال اول مطبيت لزمتني الخوفه راحت رسل كعدت بصف الحجيه
الحجيه/ احجي حبوبه ولا تخافين الشيخ هنا وانشالله يحلج مشكلتج
اجاني صوت خشن من سمعته نزيت
الشيخ / تعاي اكعدي
رحت كعدت
الشيخ / احجي منين انتي من يامحافظه يا منطقه شنو قصتج وين اهلج
ميار / ا اني من كربلاء من منطقه ******
رفعت راسي باوعت شفت بس الحجيه وام محمد ومره ورسل
الشيخ/ احجي وين اهلج
ميار / امي متوفيه وبابا ما يريدني
الشيخ / شنو هل الحجي وين اكو اب مريد بنته احجيلي شنو سالفتج انتي
ميار / بابا متزوج مرته متريدني ف هو هم مايريدني زوجني لواحد اكبر منه وره ما اتزوجت صرت خدامه لنسوانه
مااعترضت على اي شي لان ردت مكان اعيش بي وره فتره صار خلاف هو ومرته ف طلبت منه يطلكني وهو طلكني وطعن بشرفي شكد حاولت ادافع عن نفسي محد سمع مني كلهم سمعوا منه ف بقيت اشتغل يمهم
الشيخ / شلون انهزمتي
ميار / انهزمت من بعد طعناتت اهواي بشرفي وني جبت عمري كله صاينته اتهمني جابه واحد للبيت وراد يكتلني ف وحده من نسوانه خلتني انهزم
حجيت وني عيوني مغوركه بالدموع محجيت سالفت منتهى لان هيه هم بنيه وميصير ابوها طعن بشرفي بس مااقبل احجي على بنات الناس
باوعت شفت رسل تبجي محجيت شي نزلت راسي
صاح الشيخ وحده اسمها سماني
سماني / ها
الشيخ / أخذيها وديها الغرفه
ميار / رحت وياها نزعت بوشيتي وحطيتها جوه راسي واتغطيت بالعبايه ونمت كعدت الصبح كمشت راسي لان كلش يوجعني
لبست بوشيتي وعباتي باوعت للساعه الساعه ب 10 ونص وطلعت شفت الحجيه رحت الها
ميار / صباح الخير
الحجيه / صباح النور
ميار/ حابه اشكرج انتي وخاله ام محمد ما قصرتو وهسه اسمحيلي اروح
الحجيه / وين ترحين حبوبه وانتي مالج احد
ميار / ربي وياي رب العالمين مايعوف اعباده
الحجيه / ونعم بالله
رسل / بس ما راح اخليج ترحين انتي طبيتي لبيت الشيخ محمد وراح تبقين هنا
ميار / مشكوره حبيبتي بس لازم اروح
جنت احجي وسمعت صوت
الشيخ محمد / ابقي أهنأ احسن الج وين ترحين هسه والدنيا مو امان
ميار / فكرت صدك هسه اني وين اروح وين انطي وجهي اخر شي
كلت
شيخ ابقى هنا بس مابقى هيج اريد اشتغل بالبيت
الشيخ محمد / انتي ضيفه هنا عيب علينا. نشغلج
ميار / مااكدر ابقى بدون شغل يعني شغل البيت خلي كله عليه
الشيخ محمد / الله كريم اشتغلي حالج حال البنات
يلا حجيه ني رايح لديوان محتاجه شي
أنت تقرأ
ياليتني لم اخلق
Bí ẩn / Giật gânتتحدث القصه عن فتاة تأخذ الحياة امها ليعذبها أبيها ومرت أبيها ياترى ماذا سوف يحدث لها وماذا تخبئ الحياة لها ؟؟؟ تابعوا القصه
