ياليتني لم اخلق

البارت الثاني وعشرون

ياليتني لم اخلق _ البارت الثاني وعشرون

(( بقلم // الكاتبه : شهد علي ))

_ انشرو القصه حتى التفاعل يزيد
_ لاتنسو التصويت على القصه والتعليق بين الفقرات
_ متابعه لحسابي

___________ الكاتبه : شهد علي ____________

ماحسيت غير سياره دمشي سريع ورادت تدعمني باوعت للسياره هاي سياره محمد
نزل محمد واجه باتجاهي وكمشني من ايدي

محمد / شبيجج تخبلتي اكو واحد يوكف بنص الشارع

ماهمني كلامه ضليت ساكته لسه افكر شيسوي ابوي هنا معقوله علمودي

بعدين عاط بيه
محمد / ميااااااااار شبيج

ضليت امتمت بالحجي وأشر على المستشفى / م م محمد ه‍ ه‍ هو هنا موجود شفته بالمستشفى

خنزرني وكال
محمد / منو الي شفتي شبيج تخبلتي امشي طبي جوه
ميار / محمد اجه علمود ياخذني اجه اريد اروح للبيت
محمد / امشي أصعدي

صعدت وني ميته خوف راح ارجع لعذابي
راح يرجع يعذبني يجوز يبيعني مره ثانيه ويجوز يرجعني لجاسم ويخلي يكتلني

قاطع افكاري محمد من كال انزلي
نزلت وني رجليه كوه حاملتني
نزلت واول ما طبيت كعدت بالطبخ وبجيت رجعت دوامه ذكرياتي كل عذاب الي مر بحياتي رجع شفته بعيوني حطيت ايدي على وجهي وبجيت وصوت شهكاتي ترست البيت

محمد/ هاج اشربي مي
اخذت ألمي وايدج ترجف من الخوف شربت شويه

كعد محمد كدامي وكال
محمد / ميار فهميني شنو قصتج و منو الي شفتي بالمستشفى. و ليش ابوج مايريدج مسويه شي بحياتج وهيج مارادج فهميني جاوبي على الاسئله الي بالي

انتي هسه مثل الغز اريد حل و صدكيني بس تحجين راح اكون الج سند ومحد يكدر يمس شعرايه منج أو يأذيج

ميار / هى توعدني الي راح اسولفه الك ماراح يطلع من هذا البيت

محمد / وعد سولفيلي كلشي ماريد تضمين شي عليه
ميار / اي الي شفته بالمستشفى ابوي من شفته رجع الخوف بكلبي مااكلك اني ناسيه ابوي لا دائما اذكره بس نوعا ما ناسيه العذاب الي شفته منه

محمد / ليش ابوج مايريدج. شنو السبب ؟

ميار/ السبب لان اني بنت ساره لو بنت حنان جان حبني و دللني و جان حسيت بحنيه الاب الي نحرمت منها

راح اسولفلك قصتي من البدايه
عذاب بلش وياي من اول ما و عيت على الدنيا ابوي مايريدني و لا يحبني ابوي ازوج امي اجباري جان جدي يريد امي لابوي لان بنت عمه ف تزوجوا اهلي بس ماجانو متفاهمين دائما امي تنضرب تنسب

ازوج ابوي المره الي يحبها وخله امي خدامه واني دائما انكتب سبب أو بدون سبب دائما يجويني دائما يشككون كتبي حتى ماادرس امي جانت كلشي تسوي علمود تخليني اكمل دراستي