ياليتني لم اخلق

البارت العاشر

ياليتني لم اخلق _ البارت العاشر
(( الكاتبه / شهد علي ))

_______________
وماحسيت غير انفتحت الباب وطبت جوري
جوري / كومي يا المؤمنه اشو عفتينه وطبيتي لغرفتج كومي اغسلي الاماعين
ميار / كايمه
عفت السجاده وكمت وني لابسه جادر الصلاة
شلت الصينيه وحطيت الجاي على النار  علما غسلت الاماعين صار الجاي صبيتلهم ورحت للغرفه طلعت القران من كنتوري وكعدت اقره وره اشويه طب للغرفه جاسم اني هنا متت خوف مو كالت جميله ما يجي شلون ياربي
ضليت مستمره اقره بالقران شفته راح مدد على الجربايه ويباوعلي مهتميت ضليت اقره لحد ما نعست صدقت وبست القران شفته لكيته نايم باوعت للساعه الساعه ب 12 لميت السجاده وحطيتها على الميز هيه والقرآن  اخذت مخده وفتحت الكنتور على كيفي طلعت بطانيه حطيت المخده بالكاع ونمت بالجادر 

فزيت من نومي الساعه تقريبا ب 6 باوعت للجربايه لسه نايم فتحت الباب على كيفي وطلعت لكيت حسين كاعد ويلعب بالجهاز

حسين / صباح الخير
ميار / صباح النور  عفته وطبيت للحمام اتجددت وبدلت ملابسي  وطلعت رجعت الغرفه صليت صلاة الفجر نزعت الجادر وأخذت شالي لبسته وطلعت كبل للمطبخ

كاعده اسوي ريوك واجتي جميله
جميله / صباح الخير
ميار / صباح النور
جميله / شو كاعده من الصبح خير
ميار / لا اني كل يوميه اكعد هيج وقت
جميله / والله عفيه اشو بناتي اسحلهن سحل من الفراش
ميار / هههه ما متعودات يجوز
جميله / والله تنابل مال نوم
ميار / ههههه خطيه
جميله / اروح اكعدهن
ميار / ماشي 
كملت الريوك وحطيته بالصينيه وره اشويه كلهم اجو

ايه سندس ونجلاء  / صباح الخير ميوره
ميار / صباح الانوار
أما منتهى ابداا ما صبحت عليه كبل راحت باست امها
كعدت اتريكت وياهم لان كلش جوعانه خلصو ريوك وغسلت الاماعين

تسريع احداث
مشت الايام والشهور وصارلي خمسه اشهر يمهم وكل يوم على هذا الروتين كل يوم شغل كل يوم يحجن عليه لأن ابوي باعني لحد ما  حددو خطبه حسين
اليوم خطبته والبيت مخبوص خبص
اجو اقربائهم
وكل البيت اني قايمه بي شغل طبخ كله عليه
اشتغل والجهال يرجعون يوصخون ضليت الم وراهم وكل ساع صاحوني ضهري صار نصين من كد التعبب
راحو لبيت العروس وني بقيت بالبيت
كيفت كلت ارتاح شويه
بس ما طولو ساعه واجو جوري واميره مسحن كرامتي بالكاع ياهو الي تسالها عليه تكللها الخدامه هاي

بس جميله كالت  هاي مرته لجاسم
وحده من النسوان / صدك جذب شجاه ابو حسين ويزوج وحده بكد بناته
جميله / والله يختي قسمه وصارت شنسوي بعد يلا من رخصتكم

جميله/ ها ولج ميار تعبتي اليوم كافي امشي ارتاحي
ميار / شرتاح هسه يجن عليه ويلعبن بيه جوبي
جميله / هههه معليج بيهن اني اكمل بدالج
ميار / لا ما بقالي شي اكمل الي بيدي واروح روحي ارتاحي
جميله / هسه أصيح وياج ايه وسندس
جميله / اااااااايه سندسسسسس
ايه / خير يمه صوتج واصل لسابع جار
جميله / وجعت امي تعالن ساعدن ميار خطيه وحدها
ميار / خليهن فرحانات بعرس اخوهن كتلج أن اكملهن
سندس / يي يمه خليها هيه اتكملهن إذا نجي وياها الملابس تخرب
جميله/ اي طايحه الحض ادبسززز فوك ما تكولين الها عوفي تعبتي اليوم
ميار / كمشت أيدها خاله عوفيها خطيه
امشي سندس معليج بالشغل
عافنا البنات وراحن
ميار / امشي. اكعدي يم النسوان
جميله / شكعد هيه الكعده يمهن حلوه ماتحمل حجي جوري واميره
ميار / سؤال جوري ليش هل كد جاسم يسمع من عدها
جميله / والله مادري يمكن لان اخذها عن حب لو مسويلتها سحر
ميار / اعوذ بالله
جميله / الله وكيلج تسويها وتعبر ذاك الصوب
ميار / الله يجفينه شرها اذا تسوي هيج
جميله/ رايحه اجيب الماعين واجي
بلشنا نصب العشه للعالم وهوسه المطبخ كلها وكعت براسي خلفله ع جميله اجت ساعدتني بيهن همه جانو محددين وره العقد باسبوع الزفه  ومر هذا الاسبوع خبصه جابو الغرفه وجابو طباخين  ومشت العرس بخير وزفوهم العرسان بس جانت نضرات حسين الي ابدا ماحبيتها جنت ابتعد علمود ما يضل يباوعلي وجوري واميره كرهني حياتي كلها