ياليتني لم اخلق

البارت الثامن و الثلاثون

ياليتني لم اخلق _ البارت الثامن و الثلاثون

(( بقلم // الكاتبة : شهد علي ))

_ حبايبي انشروا القصه حتى التفاعل يزيد
_ لاتنسون التصويت على القصه والتعليق بين الفقرات
_ متابعه لحسابي ✨❤️

___ ___ ____ الكاتبة : شهد علي ___ ____ _____

شافته وفاء و ضلت تدك و تلطم على ابنها شويه و صاح الشيخ عمار يرجعهم اخذهم و مااعرف. وين وداهم

ضليت خالتي وفاء تصيح و كامشه بي و تصيح لا تأخذون ابني

بجيت على بجيها مو حنيت لا اتذكرت من اتوسلت بي علمود ابني هسه هيه هم تتوسل بمحمد علمود ما يأخذ ابنها

محمد من شافني بجيت جرني من ايدي و صعدني للغرفه
متحملت كعدت بالكاع و بجيت هو كعد على الجربايه و ضل يدخن جكاير مسحت دموعي و رحت كعدت يمه

ميار / ليش هيج مسوي بأبوي

باوعلي و كال
محمد / اريد أبرد كلبي بيهم بس هم مابرد

ميار / محمد يضل ابوي ما اكدر اشوفه هيج
كام و صاح بوجهي

محمد / و هذا البجي الصارلج ساعه تبجينه على ابوج كليلي يا ابو هذا ليش هو ما فكر بيج من كتلج ما فكر بيج من باعج

ميار / هو ما فكر بيه بس گلبي ما ينطيني اشوفه هيج خلي ربي يأخذ حقي منهم

دنك عليه و اشر على گلبي

محمد / ميار اذا گلبج يحن على الرايح و الجاي سويله جاره احسن الج

نزلت على رجلي و كتله
ميار / فدوه اروحلك خلي ابوي يروح بحاله ما تشوفه حتى مشي ما يكدر يمشي الله عليك محمد عوفه الله موجود هو يأخذ حقي عوفه

كومني و كالي
محمد / ما اريدج تركيعين لاي بشر غير بس لربج و اسمعيني زين راح اعوفه ابوج بس عمر مستحيل
اريد اعرف گلبج ليش هلكد حنين

عافني و راح وصل يم الباب و كالي
راح تندمين على هذا قرارج فد يوم

طلع و عافني بقيت وحدي طبت عليه امي شافتني ابجي
حضنتها و كالت الي

سناء / ليش هيج سويتي هو هذا يستق تكولين اله بابا
ميار / صدكيني ما يستحق بس مو بيدي والله مو بيدي
سناء / الله كريم يمه هسه هذني يمي و الله اله اشوفهن نجوم الضهر و اعلمهن شلون يحجن عليج

ميار / شتردين تسوين بيهن سوي مالي خلك اني
سناء / اي هم خوش طلعت منج حجايه عبالي هم راح تبجين و تصيحين عوفوهن علمود هسه اركعج راشدي اطير خدج

ميار / ههه لا هذني شسوين بيهن سوي حره انتي

سناء / صلوات ضحكت الفاهيه يله غسلي و جهج خليني اروح اشوف الكح ....... ب خاف يحطن شي بالاكل عفت يمهن رسل الفاهيه