ياليتني لم اخلق

البارت الواحد و الاربعون

ياليتني لم اخلق _ البارت الواحد و الاربعون

(( بقلم // الكاتبة : شهد علي ))

_ حبايبي انشروا القصه حتى التفاعل يزيد
_ لاتنسون التصويت على القصه والتعليق بين الفقرات
_ متابعه لحسابي ✨❤️

__ __ __ __ __الكاتبة : شهد علي __ __ __ __ __ __

كالتلي امي
سناء / ميار انطيها الاسم
ميار / سيف ابن اميره

ام جعفر / هاج اكمشي القران و خلي نيتج صافيه

اخذت القران منها و كمشته غمضت عيوني و فتحت القران و اخذته مني ضلت تباوعله و تهز براسها

رفعت راسها و باوعتلي و كالت

ام جعفر / الله و اكبر شني هاي
سناء / خير انشالله
ام جعفر / ولج هذا مخيط اتخيط بالسحر منين ما يدير وجهه تلكين السحر يحاصره حتى ميعرف شيريد مرته هيه الي تمشي شتكله يكللها صار

سناء / دخيلك يا ربي زين هل السحر من زمان
ام جعفر / من زماااان هل السحر قبل لا يتزوج مسويله ضالمين مرته الاولى اهواي و حوبتها كاعد تطلع بيهم هسه مو بس حوبته لا حوبت بتها

كاعد يتعذب هسه ضميره كاعد يأنبه بس ميكدر يحجي لان السحر كل سنه كاعد يتجدد علي

سناء / زين شلون ينفك عنه السحر
ام جعفر / خيه السحر مدفون بيته و راح تلكين بملابسه مخيطات بس ما مبينات

ميار / متاكده من كلامج
ام جعفر / افااا عليج يمه مليون بالميه متاكده و راح انطيج مكان الدفن تلكينا وره البيت

سناء / نروح و نشوف

ام جعفر / و انتي ديري بالج اشوف حيايه بيتج و كاعدات يسرحن و يمرحن راح يذبن سمهن عليج ف ديري بالج

ميار /  انشالله يله يمه نروح
سناء / يله نكوم مشكوره ام جعفر

شالت امي افلوس للمره رادت تنطيها ف كامت ام جعفر و كالت

ام جعفر / لا و الله ما اخذ اني لوجهه الله و حتلو اخذ ما اخذ من بيت الشيخ

سناء / مو ميصير هيج
ام جعفر / روحي خيه ما بيناتنا فلوس
سناء / مشكوره خيتي انشالله نجيج بالافراح

ام جعفر / بعد عمري خيتي
سناء / يله ثيمالا
ام جعفر / الله وياجن عيوني

طلعنا من عدها و كالت امي

سناء / مبين كلامها كله صحيح
ميار / بالنسبة الي ما مقتنعه بحجيها

سناء / شنو رائيج اخلي الشيخ ياخذنا لبيتكم و نشوف
ميار / ما ادري
سناء / اذا طلع الي كالته موجود بالبيت معناها الحجي الي كالته عن ابوج كله صحيح

ميار / و الله يا يمه كلشيي ماا اعرف صرت ثوله
سناء / امشي خلينا انشوف الحيايه الي كالت عليهن