ياليتني لم اخلق

البارت الثامن و الاربعون

ياليتني لم اخلق _ البارت الثامن و الاربعون

(( بقلم // الكاتبة : شهد علي ))

_ حبايبي انشروا القصه حتى التفاعل يزيد
_ لاتنسون التصويت على البارت والتعليق بين الفقرات
_ متابعة لحسابي ✨❤️

sh_Mr_24 ✅

__ __ __ __ __ الكاتبة : شهد علي __ __ __ __ __ __

حميدان يكول :
          فـدوة لعيـونچ
تُـروح الـروح والديـرة وعـرّبها"💐💜

__ __ __ __ __ __ __ __ __ __ __ __ __ __ __ __ __

حطيت الحجاب على راسي و لبست العبايه و ردت اطلع و كالي

محمد. / اني اوصلج لا تصعدين وياهن
ميار / ماشي

نزلنا و مالكينا أحد بالبيت طلعنا للكراج و شفناهن كاعدات ينتضرني كال محمد لامي سناء اني راح اوصلها

صعدت بالسياره و بلش محمد يحجي خففي الحمره خففي الطحين
خففي الصبغ الي حاطته فوك عيونج

و اني معانده ما امسح كلشي لان جان مكياجي كلش خفيف و نازك

اخر شي و صلنا و اني طفرت من السياره و طبيت ركض للبيت هدى باوعت من الطارمه

و شفت امي سناء و النسوان و كرايبنا كلهن و اصلات
نزعت عباتي و شالي و عدلت شعري

أخذتهن و طبيت للمطبخ شفت خالتي ام هدى اول ما شفتها رحت سلمت عليها خطيه مخبوصه انطيتها عباتي تضمها عدها اخذتها

و اني رحت طبيت للاستقبال شفت هداوي كاعده و لابسه بدله لون بنفسجي غامق من شافتني ابتسمت

رحت يمها و كتلها

ميار / مبروك مرت حماي
هدى / هههههه الله يبارك بيج تدرين ما مصدكه لحد الان راح اصير جنه بيت الشيخ محمد

ميار / صدكي حبي صدكي بأجر تجين يمنا

هدى / اي شطالعه ولج تخبلين اكيد مخبله الشيخ بجمالج
ميار / ايي كلش
هدى / هههه اي اشوف ما اجيتي ويا النسوان و غمزتلي

ضربتها على كتفها و كتلها

ميار / بعدج ما عرستي و صرتي منحرفه و طايحه الحض لو تعرسين تكومين تخوطين بصف الاستكان

هدى / ههههه غير سند علمني على السوالف الطايح حضها

ميار / سنيد خفيف انتي هم اخفيفه
هدى / المره تتبع رجلها
ميار / ههه خوش لعد رايحه يم امي
هدى / ماشي

عفتها و رحت كعدت يم امي و مينا جرتني اركص وياها
ضلينا نهز و ندبج لحد ما هلكنا شويه و صاحت امي

سناء / عيني حبايب استرن نفسجن العريس يريد يحني عروسته

صار مطافر كلهن كامن يركضن و حده تروح  منا و الثانيه ترد منا