ياليتني لم اخلق

البارت الثاني

ياليتني لم اخلق..... البارت الثاني
الكاتبه.. شهد علي
......
....
..
.
ادري بيهم تعبوج ...
الوادم الغشمه كحل ما كحلوج .....
ذبلن عويناتج الحلوات كلش .......
ياحريمه  شكد عموج ........
_________________
من ماتت امي جان عمري 16 سنه جنت بالرابع بالبدايه ابوي رفض سالفت دراستي كال ماعندي مصرف ادفعلج يادوب مدبر مصرف بناتي ولدي كتله ماااريد أي مصرف ضليت أتوسل بي وحطني وكتلني وبعدين قبل اكمل دراستي

بس جان شرط خالتي حنان أكمل تنضيف البيت وشغله يله أطلع للدوام شسوي ماجان عندي حل ثاني

امي تعذبت حتى بموتها فذبيت اللوم كله ع ابوي بموتها لو أخذها للدكتور ماجان ماتت وخلالها بدون علاج  خلاها بالبيت تتعالج ومحد يتقرب الها حتى ني حبسني بالغرفه

مرت السنين وصار عمري 18 سنه
وشفتو كلام خالتي حنان الي فوك
رحت غسلت الملابس وهيه راحت كالت لابويه من خوفي اول ما اجاني حطيت ايدي ع وجهي وضليت أصيح فدوه لاتضربني والله بعد ما أعيدها

ماعرف حن كلبه عليه أو استخطاني من شافني جوه الدرج وأصيح عافني وراح

لاعشت بطفولتي ولا عشت مثل البنات بشبابي
خالتي جان كل همها تخلص مني
اكعد من الصبح ب 5

اشتغل البيت كامل شغله وغده اسوي واطلع لدوامي حتى صديقات ماعندي  مااعرف اعتقد جان عندي توحد ومااا اريد اختلط  بالناس

ابوي شخص ثاني ويه اخواتي واخواني بس وياي مو تكولين نفسه الحنين والي يضحك ويسولف وياهم
اعتقد لان اتزوج امي لان ني بنت ساره
مو بنت حنان
حتى يصيحولي بنت الخدامه او الخدامه محد يصيحلي باسمي مراااااات يصيحولي باسمي حتى اكل مااكعد اكل وياهم اكعد بالمطبخ اكل الي يزود الي وذا ما زاد انتضر لثاني يوم

اخواتي صديقاتهن من يكولن ميار احلا منجن  يجن يسولفن لامهن وامهن تروح لابوي تزنه عليه وأبوي ما يقصر يجي عليه يكتلني  اتعودت غلطانه أو ما غلطانه انكتل

ملتزمه بصلاتي ودائما ادعي ربي يفرجها عني ويخلصني من هل عذاب

خلصنا امتحانات واجتي العطله والكل فرحان بنجاح سعاد ونورس  اما اني محد معتبرني تمنيت امي وياي وتفرح بمعدلي 

جنت انضف البيت وصاحتني خالتي حنان

حنان.... اسمعي ولج بيت جدج وعمامج راح يجون ويااا ويلج اذا سمعت حرف منج ومتجين تكعدين يمنا ومن يسالوج كوليلهم تعبانه طلعي حجه وروحي لغرفتج
والبيت هسه اريده يلمع لمع ماااريد نسوان عمامج يعيبن عليه تره تعرفين شيصير بيج

ميار ... صار تدللين
عفتها ومشيت رحت صعدت الملابس ورحت طبيت لغرفه نورس وسعاد شفتهن ملتهيات بالملابس والمكياج
صفطت ملابسهن وحطيتهن بالكنتور