ياليتني لم اخلق _ البارت العشرون
(( بقلم // الكاتبه _ شهد علي ))
_______ _________ _________ _________
ندهته مره مرتين والثالثه يلا كعدت امي مو من النوع الي ينام اهواي أو نومها ثكيل لا بالعكس نومها كلش خفيف
من ندهتها وماكعدت خفت كلش عليها
ميار / يمه حبيبتي شبيج تره وضعج ما عاجبني
سناء / لاتخافين يروحي بس تعبانه شويه
ميار / خليني اخذج للطبيب
سناء / كلش ولا الطبيب بس تأخذيني اموت اهناك
ميار / بس يمه شايفه وضعج شلونه
سناء/ لا تخافين يروحي كلشي مابيه
ميار/ ماشي خلينا اليوم نرجع للبيت
سناء / يلا كومي البسي وتعاي
ميار / دقايق واجي
صعدت للغرفه لبست جبتي وأخذت العلاگه الي بيها ملابسي ونزلت
كاعده تاكل انتضرتها تخلص وأخذت الصينيه عيب اعوفها واطلع غسلتها خالتي وحبوبتي كمشن بينا بس ماقبلت امي
رحنا للبيت صدك الواحد لو ما بيتا مايرتاح
گبل صعدت سبحت ولبست البرنص وطلعت طبيت لغرفتي شسورت شعري علمود ينشف وحطيتله خلطه من الزيوت خاصه بالشعر ورفعته ليفوك سويته كبه
طلعت دشداشة قصيره لبستها ولبست گلاده خناگيه ولبست حجل ورشيت من عطري المفضل وحطيت مرطب لشفتي
ونزلت شفت امي تقره قرأن اموت على صوتها وخاصتا من تقره قرأن احس براحه
كعدت يمها واني استمع لصوتها تقريبا مرت ساعه واني استمع لصوتها باوعت للساعه ب11 اتصدقت امي
سناء/ شكو اليوم شنو هل الاناقه منو راح يجي
ميار / هههه يعني مايصير ادلل نفسي شويه اله لازم واحد يجي
سناء / لا عيني الج كامل الحق اتدللين نفسج
ميار / يوم شنو رائيج اليوم انجيب اكل جاهز
سناء / بكيفج
ميار / خوش
رحت اخذت جهازي وخابرت سند
ميار/ ها سنيد
سند / هلا بخبلتنه
ميار / اكلك وين انته
سند / والله هستوني طلعت من الجامعه طلعت روحي من الدوام انعل يومه اي والله
ميار/ ههه شفايتلي ارجع للدوام
سند / من اكلج انتي خبله اتلوميني
ميار/ عوفنا من هذا الحجي هسه جيب وياك اكل جاهز وعود من تجي انطيك فلوسه
سند / ليش اليوم ماكو طبخ
ميار/ والله مابيه حيل اطبخ
سند / شبيج مابيج حيل بعدج شباب
ميار / هسه اجيب لو لا
سند / ميخالف
ميار / خوش مو تتأخر
سند / لا ما اتأخر يلا سدي الخط تره كاعد اسوق
ميار /ماشي باي
سديته منه وانتضرته شويه وسمعت الباب تندك ركضت لبست الجبه ورحت فتحت الباب
سند / ادري شجاج صارلي ساعه مصلوب بالشمس
ميار / عادي وإذا وكفت بالشمس اصلا الشمس بيها فأئده بيها فيتامين دي
سند / منو ضاحك عليج ولج هاي شمس البصره تصمط سمط وتحرك عشيرتي كلها
ميار / انطيني الغده
سند / هاج لعد عمتي وين
ميار / جوه طبلها علما احط الغده باماعين
أنت تقرأ
ياليتني لم اخلق
Misterio / Suspensoتتحدث القصه عن فتاة تأخذ الحياة امها ليعذبها أبيها ومرت أبيها ياترى ماذا سوف يحدث لها وماذا تخبئ الحياة لها ؟؟؟ تابعوا القصه
