ياليتني لم اخلق

البارت الاربعون

ياليتني لم اخلق _ البارت الاربعون

(( بقلم // الكاتبة : شهد علي ))

_ حبايبي انشروا القصه حتى التفاعل يزيد
_ لاتنسون التصويت على القصه والتعليق بين الفقرات
_ متابعه لحسابي ✨❤️

__ __ __ __ __الكاتبة : شهد علي __ __ __ __ __ __

ميار / شنو شسويت لحنان حتى كامت هيج تخاف منك هيه دومها ما تخاف من أحد
محمد / ههههه يعني هسه هاي الحيه تخاف مني

ميار / اي كل ما تسوي شي غلط تجي تتوسل بامي ما تكول الك

محمد / ما سويت شي غير بس شوفتها شي خلاها تخاف
ميار / شنوو

محمد / شوفتها فضايحها هيه و اهلها
ميار / اهلها شبيهم

محمد / سالفه طويله هسه عندي شغل بعدين اسولفلج

كمشت ايده و كتله
ميار / الله عليك سولفلي انته دائما شغل شغل حتى ما كاعد اشوفك

محمد / ماشي راح اسولفلج  انتي مو عندج اخوان
ميار / اي
محمد / اخوانج تره  بالسجن
ميار / عزززا شمسوين هذوله مو من عوايدهم يسون مشاكل بالعكس همه هادئين كلش

محمد / اي كلش هادئين سامعه المثل الي يكول خوفك من الخوينس. هسه انتي هم خوفج من اخوانج مسجونين بتهمته تعاطي المخدرات

شهكت و ضربت صدري
ميار / عزززا تشاقه مو منين اجتهم هل التهمه
محمد / ما اعرف التهمه الي مسجونين بيها صدك لو جذب

ميار / معقوله صدك
محمد / ما ادري والله
ميار / زين اهلها شبيهم
محمد / اهلها بيت دعاره

هم شهكت و حطيت ايدي على حلكي مصدومه من الي سمعته معقوله بيت اهل حنان يطلعون بيت دعاره
خرجت من صفتني و كال الي

محمد / لا تشهكين مره ثانيه
ميار / محمد متاكد من الحجي الي حجيته اعرف ابوها خوش رجال

محمد / ابوها خوش رجال بس امها و اخواتها اثنين مو زينات و هيه حنان تشتغل بالسحوره رجل بتها سعاد

ميار / اي شبي
محمد / خطيه الرجال اتمرض من وره سحورتهن
ميار / تعال گلي منين جبت كل هل معلومات

محمد / شعليج المهم عرفتهن
ميار / اكلك اني كمت اخاف منهن
محمد / لا تخافين ما تكدر حنينه تلعب بذيلها
ميار / مو نورس حجت وياي حجي خلاني اضوج

محمد / شحجت البليه الثانيه تره هاي النسخه الثانيه من امها

ميار / لعد اذا النسخه الثانيه من امها شكو عفتهن هنا تريدهن يسولي بليه
محمد / هههه لا تخافين عمتي صايره حارس الهن تفتر و راهن هسه كليلي شحجت وياج

ميار / محجت شي مهم
محمد / مياااااار

ميار / شكو
محمد / احجي شكالت
ميار / و الله حجت حجي  تافهه بس تهديدات تكول يجي يوم و رجلج يعوفج و يشمرج بره البيت مثل الزباله و عيرتني