ياليتني لم اخلق

البارت الحادي عشر

ياليتني لم اخلق _ البارت الحادي عشر
(( بقلم / شهد علي))

____________________

يوم 22 /6 كلش زين اذكره مستحيل ينمحي من ذاكرتي
كعدت الصبح مثل كل يوم كعدت انضف البيت واسمع الكلام الجارح
خلصت شغل البيت كامل وسويت الغده  واتغدو وصاحتني اميره كالتلي امشي جيبي الملابس من الحبل
رحت اجيب الملابس تقريبا جانت الساعه ب 2  ونص  كاعده الم الملابس وسمعت صوت

اي اعرف هذا الصوت هذا صوت منتهى باوعت للممر شفت منتهى وياها واحد
هيه من شافتني ضل وجها ينطي الوان اول ما شافتني ضلت صافنه شويه وراحت تركض طبتت للبيت
مهتميت الها شعليه ني بس احجي وياها تضل تصيح وتسب مالي خلكها وخلك امها

جمعت الملابس وطبيت للبيت شفت الكل يباوعلي
محسيت غير اجه جاسم كمشني من شالي واخذني الغرفه شمرني بيها

جاسم / ولج كح......ه  منو هذا الي جنتي واكفه ويا
ميار / منو ما افتهمت
جاسم / ولج تريدين تشوهين سمعتي صاق.....ه جايبه كوا......ج لهنا

ميار / من كلي هيج افتهمت قصده
كمت على حيلي وكتله لاتصدك الي تكوله منتهى ما جبت اي احد لهنا روح شوف بنتك ويامن جانت

من حجيت هيج اجاني وكسرني اتكسر ما خلا شتايم اشكال والوان ضل يضرب بيه لحد ما خدر جسمي ضربني على خاصرتي وطلع خدر جسمي بحيث اريد احرك ايدي ما اكدر ضليت بس اون من الالم والدموع تنزل   

ساعه واجه ضل يدور بالغرفه ضل يشمر بالغراض وبالتالي لكه جهاز ضل يباوعله ونوب يباوعلي

جاسم / ولج صاق.....ه  ولج تردين تنزلين راسي انوب مطببببته للبيتتتتتت ولج صوجي اني ملفيجج هناا

اجه عليه دماني ادمي ما خلالي. عضم صاحي بجسمي
عافني وطلع حسيت وجع براسي وخشمي طك دم بعدها مدريت بروحي شصار

اول ما فتحت عيوني اجتي بوجهي جميله تضرب على خدي

جميله / ميار اتسمعيني
ميار / هزيتلها براسي
جميله / كومي بسرعه قبل لا يجون
ميار / بجيت وكتلها ص صدكيني مااعرف هذا الولد ج جان واكف ويا منتهى
جميله / ادري ادري كومي

كمت وياها واشوفها تلم بملابسي بجنطه جبيره
ميار / هاي ليش تلميهن
اجتي يمي وانطتني عبايه وبوشيه كالتلي البسيهن
ردت اسالها ليش كالت البسي بدون اسأله لبستهن وني كوه اتحرك جسمي كله يوجعني
حطت الجنطه كبالي وكالت
جميله/ ميار انهزمي روحي اطلعي بغير محافظة هذوله ميعرفون الرحمه يردون الصبح يكتلوج

ميار / بس ني ما مسويه شي غلط حتى انهزم
جميله/ اعرف سمعت كلشي بس مااريد ابو بناتي يكتل وحده مضلومه اني عندي بنات واخاف عليهن

ميار / بس
جميله / خليني اكمل جنت اريد اروح للغرفه وسمعت كلام جوري ومنتهى
جوري / ولج اني جم مره كتلج بطلي اسوالفج الطايحضها
منتهى / والله ماما بعد ما أعيدها
جوري / انجبي همزين ابوج يصدك بينا لو ما مصدك جان هسه نتي بمكان ميار
منتهى /شراح يسون بيها  وشسويتي بالحساب
جوري / شراح يسون راح يذبحوها  وديري بالج تفتحين الحساب جان عندي جهاز قديم فتحت الحساب بي وحطيته بغرفتها
منتهى/ بس ماما خطيه تموت  ساعديها
جوري /خليها طبها عرج وانتي هذا تحذير مني الج إذا عتي سوالفج وعلي اطيح حضج