ياليتني لم اخلق

البارت الثالث عشر

ياليتني لم اخلق _ البارت الثالث عشر

(( بقلم // شهد علي ))

___________________

مرت الايام وجهي نوعااا ما اتحسن يعني بي اثار بس خفيفيه اتعرفت على عائله الشيخ
طبعا عرفتكم على البنات
وهسه دور الولد
همه 6 ولد الشيخ احمد مزوج 2 الاولى الله يرحمها جابت 3 ولد وبنيه وماتت ف ام محمد هيه اتكفلت بتربيه محمد واخوانه وكامو يصيحولها ام محمد

طبعا محمد تعرفونه هو الشيخ الي خلاني اعيش وياهم
وعنده 2 اخوان من أمه وأبو 3 من ابو بس هو يعتبر ام محمد امه لان هيه الي ربيته وتعبت علي

مرته الاولى اسمها سها
عدها
محمد و سند وعباس وزينب

خالتي ام محمد اسمها شمائل ابنها اسمه عمار بس هيه يصيحولها ام محمد على اسم الشيخ

ف هيه عدها
عمار و عبدالله وابراهيم سوسن ورسل وديمه وميامين

أما بالنسبه لخالتي سناء فهيه خسرت رجلها وبنتها بحادث سياره هيه عايشه وحدها بس دائما تجي يم امها الحجيه وتروح بليل يودوها واحد من الولد

هسه بعد ما عرفتو عائله الشيخ محمد نرجع للقصه

جنا هستونه مخلصين عشه رحت سويت جاي وقدمت الجاي الهم وخالتي سناء كالت

سناء / بأجر انشالله الاربعين مالت الشيخ يمتا نروح للنجف
الشيخ محمد / والله عمه عكب بأجر نتوكل للنجف بأجر هوسه الاربعين نسوي الثواب الضهر ونطلع الفجر للنجف
الحجيه / اني اكول لا تجيب طباخين خلي البنيات يطبخن
الشيخ محمد/ والله حجيه ما اعتقد يكدرن يطبخن لان الكميه جبيره تعرفين العالم من المحافظات راح يجون
ام محمد / لا يمه نكدر نطبخ
سناء / يمعود خليهن يتحركن لاتخليهن يعتمد على الطباخين شتكولن يابنات
رسل / بالنسبه الي معندي شي اطبخ
ميامين/ واني هم ماعندي شي
ديمه / اني عود اساعدكم بكم شغله
سناء / وانتي ميار تكدرين تشتغلين
ميار / يي خاله اكدر

شمائل ( ام محمد ) / هاهيه انشالله الصبح نبلش
الشيخ محمد / يمه والله مو راحه هذني خاف يفشلني كدام الوادم
رسل / لاتخاف شيخنا لاتخاف بأجر الوادم كلها تحجي على اكلنه شكد طيب

ضربها سند على رأسها
سند / اي مبين هو انتي بيضه كوه تطكيها
رسل / وانته شعليك اعوذ بالله بكلشي مدخل نفسك
الشيخ محمد / بطلو انتم الاثنين المناكره احترموا الي كاعدين

سند / اسف
رسل / اعتذر منك شيخ

الشيخ محمد / سند خابر اخوتك كللهم خلي يجون اليوم من وكت بأجر ورانه شغل من غبشه

سند / صار شيخنا

كام وراح بأس راس الحجيه ورأس امه
محمد / تصبحون على خير وسند مثل ماكتلك
سند / ميخالف هسه اخابرهم