ياليتني لم اخلق

البارت الثالث وعشرون

ياليتني لم اخلق _ البارت الثالث وعشرون

(( بقلم // الكاتبه : شهد علي ))

_ لاتنسون التصويت على القصه والتعليق بين الفقرات
_ متابعه لحسابي
_ انشروا القصه حتى التفاعل يزيد

_____________ الكاتبه : شهد علي ___________

باوعت للمكان الي و صلنا ونصدمت بجامعتي ارسمت الابتسامه بوجهي

و باوعتله
ميار / يعني عقابي خلص
محمد / اي خلص بس اذا سويتي اي خطأ تتعاقبين و مو مثل هاي العقوبات البسيطه الي شفتيها
تشوفين اسوء العقوبات بعينج ماشي

ميار ( بخوف ) / ماشي
نزلت و اني طايره من الفرح باوعت للسياره شفته نزل

ميار / شسوي نزلت
محمد / و انتي شعليج
ميار / خاف متواعد ويه و حده هنا
محمد / انجبي وامشي كدامي يله
ميار / ها امشي انته و اني امشي وراك ( و ابتسمت )

مشه و اني امشي وراه اباوع نص البنات تباوعله و هو مندمج بالجهاز

اباوع للبنات و اباوعله اخر شي و صلنه لغرفه مدير الجامعه

دك الباب و أخذنا الاذن ندخل المدير بس شافه كام لمحمد و اجه يرحب بي

الدكتور فيصل / اهلا و سهلا بيك شيخنا شلونك
محمد / حبيبي الغالي الحمدلله بخير انته شلونك
د.فيصل / بخير بشوفتك والله جنت ناوي اني وعمامي نجي نزورك
محمد / اهلا وسهلا بيكم ديواني يشرف بيكم اليوم جايك بموضوع
د. فيصل / بالخدمه
محمد / خادم ربك اريدك تلغي اجازه ميار
د. فيصل / احسبها انلغت ولا يهمك
محمد / مشكور ماتقصر يلا لعد اني كايم
د. فيصل / وين رايح اكعد اشرب استكان جاي
محمد / و الله عندي شغل بالشركه و نوب عندي كعده ماكدر غير مره انشالله يله ثيمالا
د . فيصل/ الله وياك

طلعنه من المكتب مالت الدكتور فيصل

ميار / شيخ رايحه للمحاضره
محمد / روحي

مشيت و اني اعوج حلكي علي
ميعرف بس روحي اعرف البنات ليش هيج يباوعله
عابت هل العيون اكلن الرجال أكل ادري ماشايفات رجال

طبيت للمحاضره و كعدت بالبدايه سألت البنيه الي يمي اعرفها اسمها حنين اني اعرف البنات الي بالقسم وياي بس ما اختلط ويه أحد

ميار / حنين شلونج
حنين / هلا ميوره شلونج
ميار / الحمدلله انتي شلونج
حنين / بخير خير انشالله اشو مختفيه
ميار / و الله ضروف صارت عندي و مااكدرت اجي
حنين / ها
ميار / زين اكلج هاي المحاضره المن يا دكتور
حنين / دكتور كرار
ميار / ها

اخذت جنطتي و ردت اطلع لان ادري راح انرزل
بس الحظ ويه ما وصلت الباب طلع بوجهي دكتور كرار

انجبرت ارجع لمكاني بس هو شو يريد ياكلني بلشت المحاضره جنت متبهه اله بس بعدين فكرت بامي شكاعد تسوي هسه اخذت علاجها أو لا