ياليتني لم اخلق

البارت الثلاثون

ياليتني لم اخلق _ البارت الثلاثون

(( بقلم // الكاتبه : شهد علي ))

_ حبايبي انشروا القصه حتى التفاعل يزيد
_ لا تنسون التصويت على القصه والتعليق بين الفقرات
_ متابعه لحسابي ✨❤️

__________ الكاتبه : شهد علي ______________

كعدت الصبح على صوت هوست رسل و ديمه يم راسي

ميار / خير شبيجن من صباحيات الله
رسل / كومي يا صباح هذا الساعه ب 10 و بعد 4 ساعات عقدج

كمت عدلت روحي
ميار / عقد يعني يحجي صدك من كال بأجر العقد
ديمه / ليش هو يا يوم الشيخ اشاقه كله كلامه جديات
ميار / بس المفروض يأخذ رائي

رسل / كومي ام الرائي تكوم و تكعد تصيح خلي يأخذ رائي على أساس انتي ما تردين الشيخ

ميار / لا منو كالج اريده

ابتسمت ديمه و قلصت عيونها
ديمه / ميوشه  هاي السوالف  مشيها على الدبه
ميار / هههه يعني
رسل / كومي يله و رانه نروح للصولون
ميار / شعدنه
رسل / ولج اريدج تخبلين تخبلينننن كون من يشوفج الشيخ ينسه حتى اسمه

ميار / ههههه
ديمه / تضحك الفاهيه كومي

ميار / كايمه

بالبدايه سوينا تنضيف للجسم و ماسكات وره ما خلصنا  طبيت سبحت و نزلت اكلتلي لكمه

و رحنا للصولون حفتلي سوتلي تسريحه بسيطه و مكياج خفيف

صارت الساعه ب 1 ونص و ب 2 العقد و احنا لسه بالصالون

خابرنه على سند يجي ياخذنه صدك ما طول أقل النص ساعه و هو يمنا

طبيت لبيتنا جان هوسه نسوان جايات و استلمتني امي بالهلاهل طبيت بسرعه الغرفه بدلت لبست فستان ابيض و حذاء كعب ابيض
و رشيت عطر و طلعت

كعدت بالاستقبال  و كعدت يمي هدى ضلينا نسولف و نضحك لحد ما صارت الساعه ب 2 و عشره و همه اجو. طبت خالتي ام محمد تطش جكليت و تهلهل

اجتي باستني
ام محمد / صلي على محمد وال محمد ماشاءالله تبارك الرحمن. يمه اريد أهل البيت يحموج من عين الحاره

ميار / تسلمين خاله

ضلت يركصن البنات وره شويه صاحو خلي البنيه توكف وره الباب

حطن الكرسي و كعدت وره الباب و حطن جوه رجلي مي و فتحت امي القران على سوره الفتح و حطت بين اديه هيل

و جكليته بحلكي و لبسني البركع  و بلش الشيخ يعقد النه

تم العقد و صرت مرت الشيخ محمد

رجعت لمكاني و دخل الشيخ بكل هيبته جان لابس دشداشته و البشت الرجالي و عكاله

أما بالنسبه لعطره ترس المكان ترس اجه بأس راسي و كعد بصفي