ياليتني لم اخلق

البارت السادس عشر

ياليتني لم اخلق _البارت السادس عشر

الكاتبه _ شهد علي

__________________________________

جان بوكتها عندنه عطله وباجر حنه ضرغام
ف امي كالت امشي نروح هناك خالاتج وبناتهن كلهن هناك وباجر الصبح روحي وياهن لمركز التجميل واخذي وياج ملابسج اني بالبدايه رفضت اروح للعرس بس امي لحت عليه وهيه
دائما شطلب منها تنفذلي مكدرت اكللها لا فكمت
لبست بنطرون وقميص طويل ولبست حذاتي واخذت عباتي وأخذت فستاني ومكياجي ونزلت لكيت امي جاهزه قفلنه البيت ورحنه نمشيلهم لان همه مو اهواي بعيدين

وصلنه واول شخص شفته هو الشيخ بعد سنين اليوم التقينه هو يمكن ما عرفني لان اتغيرت وهو بالاصل اول مره من شافني جان وجهي ضعيف ومشوه بالضرب بس هسه لا صار عندي خدود وجهي صفه مابي اي اثر ف اكيد ما يعرفني باوعت لبيتهم صارلي شكد ما جايه همه ماشاءالله بيتهم قصر كلش حلو ف محمد سلم علينا وطبيينا للبيت

الشيخ محمد / مرت سنين وابدا ما شفت ميار اخر مره من راحت لعمتي وجانت من تجي ما اتواجد بالبيت ودائما امي وعمتي بحجن عليها حتى حبوبتي
ف مره جنه كاعدين وطبت عمتي
وكالت البنات اليوم مسويات بيتزا سند ابو بطن بس سمع اتصل بيهن وفاتح اسبيكر والكل يسمع لحد ما اجاني صوتها جان كلش ناعم ضلت تحجي ويا لحد ما سده
بوكتها ضرغام ابن عمتي يمنه تتحدد عرسه أخذوا وراحوا
مااهتميت اليوم التمن عماتي وبناتهن البيت صاير هوسه
اجتي عمتي وياها بنيه بس باوعت لشكلها أتذكرتها بس شلون صايره متغيره صايره حلوه ماشاءالله متغيره تغير جذري سلمت على عمتي وسلمت عليها وطبينا

ميار / اول ما طبيت امي والشيخ طبو للهول واني اتلكيت عبدالله
عبدالله / هلا بميوشه اكول اليوم البيت مضوي اثاري اليوم اجيتي النه هسه راح تحله الهوسه
ميار / هههه عابت ما تبطل حجيك هذا
عبدالله / لا والله ما ابطل وتعاي اكلج على كيفج ويانه اشو ما تردين بالكروب
ميار / والله ما الحك بين دوامي والبيت زين اكلك منو هاي الي ضايفينها بالكروب

عبدالله / هاي نرجس بنت عمي صبري
ميار / ما عرفتها عبالي غريبه
عبدالله / لا ما نضيف غريبه لكروب العائله
ميار / بس الله عليك لاتضيف فتون
عبدالله / قصدج فتون بنت اسليمه لا ما نضيفها ختولي
ميار / زين اكلك اشو البنات ما هنه
عبدالله / كلهم كاعدين جوه يلا امشي طبي
ميار / تدري الصراحه استحي صارلي اهواي ما جايه
عبدالله / امشي ام حلك تستحي

اجتي رسل للمطبخ

رسل / مني هاي الي تستحي
عبدالله / بنت عمتج
رسل / امشي امشي تستحي هنه عماتي كلهن يسألني عليج

رحت طبيت وياها لكيت خالاتي شبعني بوس خدي انحفر من كد البوس مو كل بنات خالاتي اعرفهن نصهن والباقيات اتعرفت عليهن الشي الحلو انو الكل حاسبني من عائلتهم الكل حاسبني بنت سناء وهذا الشي الي عجبني بيهم