ياليتني لم اخلق _ البارت الثالث و الثلاثون
(( بقلم // الكاتبه : شهد علي ))
_ حبايبي انشروا القصه حتى التفاعل يزيد
_ لاتنسون التصويت على القصه والتعليق بين الفقرات
_ متابعه لحسابي ✨❤️
_______ _____ الكاتبه : شهد علي _____ ______
ميار / صباح الخير
محمد / صباح الانوار شلون صرتي
ميار / الحمدلله
محمد / يله لعد كومي حضري روحج علمود ننزل نتريك
ميار / ماشي
كمت فتحت الكنتور و طلعت ثوب كلش حلو لون ابيض و بي ورد ملون بنفسجي و وردي و من يم الخصر يصير احزام
طبيت للحمام غسلت و لبست الثوب و طلعت لكيته كاعد يلعب بجهازه من شافي طفه جهازه و باوعلي
رحت للميز مرايه باوعت لركبتي ما بيها مكان صاحي كلها اثار باوعتله صفح و هو ضحك
طلعت كريم خافي عيوب حطيت لركبتي اخر شي طكت روحي من كد ما حطيت رحت طلعت حجاب لبسته و حطيت شويه مكياج خفيف
و رشيت عطر و درت وجهي علي كتله
ميار / يله جاهزه ننزل
محمد / ننزل ليش لا بس خففي حمره
ميار / والله ما حاطه اهواي اصلا خفيفه
محمد / بس ما ارضه مرت الشيخ هلكد تطلع حلوه تره والله ما اطلع من الغرفه
عوجت حلكي و ردت امسحها كال
محمد / لا تعوجين هاي الشفايف عوفيها شسوي امري الله
ضحكت
محمد / ضحكت بزونتي الجبانه
نزلنا اني ويا و شفت بيت فتون و مرام يمنه
كلت للشيخ
ميار / كملت السبحه شلون اثنين كاعدات
محمد / ميار حبيبتي عيب انسي الي صار ويه فتون و بلشي صفحه جديده
ميار / ما اريد ابلش صفحه جديده هذني الاثنين ما احبهن بس شسوي راح انزل و اجاملهن
ضحك عفته و نزلتت سلم عليهم و طلع للمضيف
و اني ضليت اسلم عليهم كمت اسوي ريوك
هستوني حطيت الجاي على الطباخ طبت امي و جايبه وياها الريوك
رحت الها و حضنتها
سناء / شلونج يمه
ميار / الحمدلله طبي ليش و اكفه
سناء / هاج هذا ريوكم
ميار / ليش تعبتي نفسج
سناء / لا حبيبه ماكو تعب بس هاي عاداتنا لازم ام العروس تجيب الريوك منو هنا
ميار / بيت فتون و مرام
سناء / شيسون جاين من الصباحيات الله و هاي فتينه هم جايه
ميار / اي
سناء / امشي أصعدي قفلي غرفتج
ميار / ليش اقفلها
سناء / هذني مو راحه خاف يسولكم شي
ميار / هسه صاعده
سناء / زين نيشانج وين
ميار / شمدريني الشيخ اخذه البارحه
سناء / عزا العزاج اكو وحده ما تعرف نيشانها وين
ميار / شمدريني يا يمه طبيت سبحت طلعت ما لكيته
سناء / وخري من طريقي وخري خليني اروح اشوف بلكي امي ضامته لا يصخمن وجهج الي ما يخافن الله
أنت تقرأ
ياليتني لم اخلق
Mistero / Thrillerتتحدث القصه عن فتاة تأخذ الحياة امها ليعذبها أبيها ومرت أبيها ياترى ماذا سوف يحدث لها وماذا تخبئ الحياة لها ؟؟؟ تابعوا القصه
