ياليتني لم اخلق

البارت التاسع و عشرون

ياليتني لم اخلق _ البارت التاسع و عشرون

(( بقلم// الكاتبه : شهد علي ))

_ حبايبي انشروا القصه حتى التفاعل يزيد
_ لا تنسون التصويت على القصه والتعليق بين الفقرات
_ متابعه لحسابي ✨❤️

___________ الكاتبه : شهد علي ___________

سند / صار حجي بينه و بينهم ف الشيخ كام و كال الهم

الشيخ محمد / شيخ سلوان جيتكم لهنا على راسي بس شلون انطيكم حرمتي

الشيخ سلوان / اعذرنه شيخ بس الي نعرفه هيه ما مخطوبه هستونه يلا درينه بيها تصير حرمتك

سند / المهم ما بيه حيل اسولفلج بالتفاصيل صار جدال بينه و بين كرار اخر شي اعتذرو من الشيخ و راحو

ميار / اي و هسه شنو
سند / يعني شنو هسه الوادم كلها درت راح تصيرين مرت الشيخ
ميار / بس هو شلون يحجي هيج بدون ما يأخذ رائي

سند / و الله بطرانه هو الشيخ يا يوم اخذ رائي احد سلميلي على رائيج عود

ميار / الله يسلمك
سند / طبي جوه لا تضلين و اكفه هنا هسه يعيط بيج
ميار / طب انته و اني هسه لاحكتك

طب سند و اني لحد الان ما مصدكه راح اصير مرته
زين هو مو يحب مرام شلون هيج يسوي

و الله حيره هو هسه يحبني لو لا 
خاف سوه هيج لان كتله اريده

طلعت من قوقعه افكاري و طبيت للمطبخ ضليت متردده اطب للهول لو لا

اخر شي طبيت همه بس شافوني طبيت سكتوا
ف اني عفتهم و صعدت لغرفتي

ضليت احوص اريد اعرف شكاعد يحجون اخذت الغرفه طول بعرض

اتصلت عليه مينا

مينا / ولج صدك الي سمعنا
ميار / شسمعتي
مينا / الشيخ كايل عليج  كدام الكل حرمتي
ميار / شمدريني
مينا / هلا هلا طلع الشيخ عاشكج

ميار / اشو انجبي اني متاكده ميه بالميه يحب مرام الصفره
مينا / ههههه تره اني هم هستوني يله انتبهت عليج تغارين علي
ميار / ها لا ما اغار
مينا / ميار علينه
ميار / خايبه اشو اسكتي يلا ولي اريد انام
مينا / اي اشردي مني بس متكدرين تشردين من رسل و ديمه

ميار / ليش وين هنه
مينا / بس سمعن حطن العبي على روسهن و اجنج يركضن
ميار / يبووو اروح انام احسلي باي
مينا / روحي الله وياج جنتنا
ميار / هههه ولي

سديته منها و كبل رحت للجربايه اتغطيت و سويت نفسي نايمه لان اذا اجني رسل و ديمه يخبصني خبص

ضليت افكر لحد ما نمت

كعدت المغرب نزلت من الجربايه رحت غسلت وجهي و نزلت ما لكيت أحد بالبيت