ياليتني لم اخلق _ البارت الرابع وعشرون
(( بقلم // الكاتبه : شهد علي ))
_ حبايبي انشروا القصه حتى التفاعل يزيد
_ لاتنسون التصويت على القصه والتعليق بين الفقرات
_ متابعه لحسابي ✨❤️
___________ الكاتبه : شهد علي ___________
سناء / اليوم اجو خطبوج بيت ابو كرار
ميار / تشاقين مو
سناء / هو هذا الموضوع بي شقه النسوان كاعدات بالهول ويه حبوبتج
ميار / هاا اكلج يمه استحي اطب جوه عود اني رايحه يم رسل من يرحون خابريني
سناء / انجبي و طبي جوه تستحي ام حلك
ميار / زين اكلج قبل لا اطب شكتيلهم
سناء / كتبهم يصير خير اكول للشيخ و بعدين نردلكم خبر
ميار / هااا
سناء / و علاااا يله طبي النسوان ينتضرنج
طبيت وجانن 4 نسوان وحده شابه
سلمت عليهن و عفتهن و صعدت لغرفتي
بدلت ملابسي و لبست تراك البدي لونه اصفر و البجامه لون اسود رفعت شعري و سويته كبايه و ضليت العب بالجهاز شويه ضجت ضليت افتر بالغرفه فتحت باب الغرفه
و طلعت من الغرفه باوعت من يم الدرج ما سمعت صوت نزلت على كيفي باوعت ماكو احد بس حبوبتي
نزلت و رحت كعدت يمها
ميار / حبوبه وين امي
الحجيه / راحت للشيخ علمود تكله
ميار / اهاا اكلج حبيبتي حياتي عمري
الحجيه / كافي تلوك و كولي شتردين
ميار / يجوز صوت ثقل عليكم بس و الله ماااريد ازوج
الحجيه / انجبي ولج هسه لو اكتلج بعوجيتي هم أحد يلومني
انتي حفيدتي بنت سناء مو ثقل علينه
و بيت ابو كرار خوش ناس اوادم وين تلكين هيج قسمه هو صح مطلك بس خوش قسمه اجتج
ميار / بس اني ماريد ازوج
الحجيه / براحتج حبوبه ما اجبرج على شي
كمت بست رأسها
ميار / الله يحفضج و يخليج خيمه على روسنه
الحجيه / على هذا الحجي كومي سويلي استكين جاي
ميار / تدللين دقايق و الجاي يمج
سويت جاي لحبوبتي
صبيت الها و الي و طلعت كعك حطيت الكعك بالصينيه
و رحت لحبوبتي حطيت الصينيه كدامها
الحجيه / اكلج طلعيلي بجهازج عجايز قبل
ميار / صار
طبيت على اليوتيوب وطلعتلها العجايز هيه تباوع مندمجه و ياهن و اني مندمجه ويا الكعك
الليل يله اجتي امي
سناء / ميار كومي جيبلي كلاص مي
ميار / صار
رحت جبت الها مي و انطيتها
الحجيه / ادري وين جنتي وهل كد تكربعين مي
سناء / مو نسيت اشرب مي هناك
ميار // ههههه طبعا من السوالف
الحجيه / اي والله تلكيها جابت السلف كلهم حجن عليهم
سناء / ههههه خلفالله عليجن
الحجيه / اي حاجيتي الشيخ
سناء / هو وينه الشيخ من رحت لحد السبعه اني انتضره رايح لبغداد و قبل اشويه اجه
أنت تقرأ
ياليتني لم اخلق
Mystery / Thrillerتتحدث القصه عن فتاة تأخذ الحياة امها ليعذبها أبيها ومرت أبيها ياترى ماذا سوف يحدث لها وماذا تخبئ الحياة لها ؟؟؟ تابعوا القصه
