ياليتني لم اخلق _ البارت الثامن عشر
بقلم // الكاتبه _ شهد علي
_______________________
لكيت نفسي بالمستشفى باوعت شفت الدكتوره يمي وامي
الدكتوره / شلونج ميار
ميار / الحمدلله
الدكتوره / تحسين بدوخه لعبان نفس
ميار / لا
الدكتوره / خوش تكدرون تطلعوها
سناء / مشكوره دكتوره
طلعت الدكتوره وأجتني امي حضنتها وبجيت
ميار / ليش خليتي يحبسني مو تدرين بيه عندي فوبيا من الأماكن المغلقه
سناء / كافي بجي يروحي شسوي ماتكليلي حجيت ويا حاولت امنعه بس هو راسه يابس مايسمع لأكبر واحد
ميار / يمه فدوه أخذيني للبيت
سناء / صار حبيبه هسه نروح
طلعت امي وره دقائق اجتني كومتني طلعنا من المستشفى واشوف كبالي حميدان
صعدت بالسياره وهو عينه عليه اجيت افكس عينه
اخذوني للبيت وطبيت بغرفتي
شكد حاولت انام ماكدرت ضلت بعيوني المشهد من الغرفه ضلمه وحدي بيها كمت من فراشي ونزلت رحت لغرفه امي
لكيتها هستوها تريد تنام
سناء / ها يمه محتاجه شي
ميار / اكدر انام يمج
فتحت لي حضنها رحت الها و حطيت راسي بحضنها ضلت تلعب بشعري وتقره آيات لحد ماغفيت
كعدت الصبح على صوت امي من تقره قرأن باوعتلها شكد صوتها حلو وخاصتا من تقره قراء اتذكرت اليوم لازم اداوم
عفتها وصعدت لغرفتي سبحت وصليت ولبست ثوب وردي وحذاء كعب اسود وشال اسود وحطيت شويه مرطب ومسكاره ورشيت عطر ونزلت للمطبخ
شفت امي كاعده تحضر الريوك باوعت للساعه ب 7 عفت جنطي على الميز ورحت ساعدت امي بالريوك كعدت اتريك اني وياها خلصت ريوك ورفعت ردان الثوب وغسلت الاماعين صارت الساعه 7 ونص وخمسه ومحد اجه
ميار /يمه اشو هذوله ما اجوني معقوله نسوني
سناء/ ما معقوله خابريهم
ضليت اتصل عليهم محد يرد عليه صارت الساعه 8 وهمه ماكو اخر شي ذبيت الجهاز على الميز وصعدت لغرفتي
شمرت الجنطه على الجربايه نزعت حجابي وبدلت ملابسي لبست دشداشه طويله وعيوني مدمعه
ضل الاسئله تتردد براسي
ليش ما اجوني
ليش محد يرد عليه
معقوله نسوني
معقوله بكل سهوله نسوني ومحد اجاني
نمت على الجربايه وحطيت راسي على المخده وبجيت
حسيت اكو ايد حطت على راسي عرفتها امي
باوعتلها واني عيوني حمر حطت الجهاز على الميز وكعدت على أطراف الجربايه
ميار / ليش نسوني ومحد اجاني راح عليه دوامي هذوله الي حسبتهم اخوتي
ابتسمت وكالتلي / ياحبيبتي يجوز صارت عدهم شغله أو يجوز حتى همه ما داومو وانتي هم مريضه داومي بأجر
هاج اشربي هذا العصير اني شويه واروح اشوف امي وارجعلج مااطول عليج
أنت تقرأ
ياليتني لم اخلق
Mistério / Suspenseتتحدث القصه عن فتاة تأخذ الحياة امها ليعذبها أبيها ومرت أبيها ياترى ماذا سوف يحدث لها وماذا تخبئ الحياة لها ؟؟؟ تابعوا القصه
