ياليتني لم اخلق

البارت السابع و عشرون

ياليتني لم اخلق _ البارت السابع و عشرون

(( بقلم // الكاتبه : شهد علي ))

_ حبايبي انشروا القصه حتى التفاعل يزيد
_ لا تنسون التصويت على القصه والتعليق بين الفقرات
_ متابعه لحسابي ✨❤️

___________ الكاتبه : شهد علي ____________

ميار / خلصت المحاضره و طلعت كاعده امشي بالممرات و صاحني عبدالله

عبدالله / هاي انتي تفترين هنا و اني كلبت الجامعه عليج
ميار / بالبدايه سلم

عبدالله / نسيت شلونج
ميار / الحمدلله شكو تدور عليه

عبدالله / مو سند يريدج ترحين ويا النسوان لام هدى
ميار / شيسون النسوان رايحات اليوم مو بأجر نروح
عبدالله / مو سند يخاف من عمي على ساعه يغير رائيه
ميار / هاا خوش لعد امشي

عبدالله / يله
ميار / و البنات هم يرحن
عبدالله / مينا بالسياره تنتضرنه و رسل راحت ويه سند
ميار / خوش

و صلنا للبيت اول ما طبيت لكيت امي و حبوبتي و خالتي ام محمد و سوسن كاعدات

ميار / السلام عليكم
الكل / و عليكم السلام

ميار / سوسن شلونج
سوسن / هلا عيني الحمدلله انتي شلونج
ميار / بخير يمته ترحن

سناء / هسه نروح جنه منتضريجن
مينا / انتضروني بس أبدل واجي
الحجيه / ماكو شتبدلين هاي ملابسج كلش حلوه
ام محمد / اي مينا حلوه ملابسج و احنه تره اتأخرنه

سناء / لعد يلا نكوم

قفلنا البوب و رحنالهم طلعت النه ام هدى طببتنا للاستقبال

ام هدى / اهلا وسهلا زارتنه البركه
سناء / بعد عمري ام هداوي شلونج
ام هدى / بخير الحمدلله شلونج حجيه

الحجيه / هلا يمه الحمدلله بخير

سلمنا عليهم و اني استأذنت منهم و كلت لاختها الصغيره تأخذني لهدى عفتهن و رحت لغرفه هدى لكيتها نايمه

ميار / هدى
هدى / همممم
ميار / ولج هدى
هدى / ميار عوفيني نايمه
ميار / كومي لا اموتج و علي
هدى / خيرج
ميار / كومي اجينه نخطبج

طفرت من فراشها
هدى / شنوووو كولي و الله
ميار / ههه و الله كومي
هدى / عزا مو على أساس بأجر
ميار / حبيب گلبج مستعجل
هدى / يمه فدوه اروحله ولج غير تكليلي من الصبح علمود احضر نفسي اسوي حبشكلات

ميار / هههه هو اني هستوني يله دريت
هدى / ياااا هسه منو جوه

ميار / امي و حبوبتي و ام محمد و البنات
هدى / هااا تدرين اني هسه متوتره خلي اكوم أبدل و انزل الهن

ميار / يلا عيني ام التوتر استعجلي
هدى / شلبس و الله حيره

هدى طابه بنص الكنتور و تدور ملابس و طبت علينه مينا